ધિંગાણું:ઝઘડો કરવા માટે આવ્યો હોવાની શંકાએ યુવક પર તલવારથી હુમલો

વેજલપુર મુસ્લીમ ખારવાવાડ વિસ્તારમાં બાળકોની તકરારમાં બેે પરિવાર વચ્ચે ધિંગાણું સર્જાયું હતું. જેમાં તલવારથી હુમલો કરતાં એક યુવાનનો જમણા હાથનો અંગુઠો કપાઇને છૂટો થઇ ગયો હતો. ભરૂચના લીમડીચોક વિસ્તારમાં રહેતો તન્વીર સફીક મહંમદ ઇજારદાર તેમની પુત્રીને લઇને તેમના સાસુને ત્યાં મુસ્લીમ ખારવાવાડ ખાતે ગયો હતો. દરમિયાનમાં તેમની પુત્રી ત્યાં જ રોકાઇ ગઇ હતી. બાદમાં સાંજના સમયે તે તેની પુત્રીને લેવા પરત ગયો હતો.ત્યારે સલીમ બોટવાલા, ગોદામ ઉર્ફે ફિરોજ બોટવાલા, ફરિદ બોટવાલા તેમજ મોહસીન ફિરોજ બોટવાલા તેમજ મોહસિન સિરાજ નાખુદા અને આબેદા સિરાજ નાખુદા વચ્ચે ઝઘડો ચાલી રહ્યો હતો. દરમિયાનમાં તનવીર ત્યાં ઝઘડો કરવા આવ્યો હોવાની શંકાએ ફિરોજ ઉર્ફે ગોદામ બોટવાલાએ તલવારથી તનવીર પર હુમલો કરતાં હાથનો અંગુઠો કપાઇ ગયો હતો. સસરા મુસ્તાક વચ્ચે પડતાં ફિરોજે તેમના સસરા પર પણ તલવારથી હુમલો કર્યો હતો.ઇજાગ્રસ્તને ખાનગી હોસ્પિટલમાં ખસેડાયો હતો.ભરૂચ બી ડિવિઝન પોલીસે ગુનો નોંધી કાર્યવાહી હાથ ધરી છે.