ભરૂચ:લોકડાઉનમાં પણ લોકો ઘરની બહાર નીકળીને નર્મદા સ્નાન કરે છે, કોરોનાનો કહેર છતાં તંત્રની કોઇ રોકટોક નથી

કોરોના વાઈરસને પગલે જાહેર કરવામાં આવેલા લોકડાઉનમાં નર્મદા નદી પણ શુદ્ધ બની ગઇ છે, જેથી ભરૂચવાસીઓ હવે નર્મદા સ્નાન તરફ વળ્યા છે. કોરોના વાઈરસના કહેર વચ્ચે પણ લોકો નર્મદા સ્નાન માટે નદી કિનારે ઉમટી પડે છે. લોકો પરિવાર અને મિત્રો સાથે સાંજના સમયે નર્મદા નદી કાંઠે ભીડ જમાવે છે. જોકે આ સમયે પોલીસ અને તંત્રની કોઇ રોકટોક જોવા મળી નથી. જેથી પોલીસની કામગીરી સામે પણ સવાલો ઉઠી રહ્યા છે.