અકસ્માત:અંકલેશ્વર હાઈવે પર વાહનની ટક્કરે શખ્સનું મોત, પરિજનોની પણ પોલીસે શોધખોળ આરંભી

અંકલેશ્વર નજીક નેશનલ હાઇવે નંબર 48 પર વાલિયા ચોકડી નજીક આવેલા નિલેશ ચોકડી બ્રિજ નીચે 40થી 45 વર્ષીય અજાણ્યો ઈસમ માર્ગ ક્રોસ કરી રહ્યો હતો. દરમિયાન કોઈ વાહને અડફેટેમાં લેતા ગંભીર ઇજા પહોંચી હતી. ગંભીર ઇજાના પગલે અજાણ્યા ઈસમનું સ્થળ પર જ મોત નીપજ્યું હતું. જયારે અકસમાત સર્જી વાહન ચાલક પણ ફરાર થઇ ગયો હતો. બનાવ સંદર્ભે શહેર પોલીસ મથકે જાણ થતા પોલીસ કાફલો ઘટના સ્થળે દોડી આવી મૃતદેહને પી.એમ. અર્થે ખસેડ્યો હતો. જયારે અજાણ્યો ઈસમ કોણ છે તેના પરિજનોની પણ પોલીસે શોધખોળ આરંભી હતી.