કોરોના ઇફેક્ટ:અંકલેશ્વરમાં 22 વ્યક્તિ માસ્ક વગર ઝડપાયા, પોલીસે 11 હજાર રૂપિયાનો દંડ વસુલ્યો

અંકલેશ્વરમાં 22 વ્યક્તિને માસ્ક વિના જાહેરમાં ફરતાં પોલીસે ઝડપી પાડ્યા હતા. તો 26 બાઈક ડિટેઈન કરી 4 દુકાનદારો સામે પણ જાહેરનામા ભંગનો ગુનો નોંધ્યો હતો. સોશિયલ ડિસ્ટન્સ નહીં જાળવતા તેમજ સાંજના 7 વાગ્યા બાદ પણ દુકાનો ચાલુ રાખનારા દુકાન માલિકો સામે કાર્યવાહી કરવામાં આવી હતી. આ ઉપરાંત 7 વ્યક્તિ વિરુદ્ધ વિના કારણે રખડવા બદલ ગુનો નોંધી તેમની ધરપકડ કરી હતી. પોલીસે 22 વ્યક્તિ પાસેથી 11 હજાર રૂપિયાનો દંડ માસ્ક વગર રખડવા બદલ વસુલ કર્યો હતો.