અવસાન:કોઠારીયા રોડ પર હિટ એન્ડ રનની આંશકા : એકનું મોત

તાલુકાના કોઠારીયા રોડ એન્જિનિયરીંગ કોલેજ પાસે મોડી સાંજેં એક ગાડીએ એક્ટીવા લઇને જતા બે લોકોને ઉડાડ્યા હતા. જેમાં ઘટના સ્થળે જ એકનું મોત થયુ અને મેહુલભાઈ રાઠવી નામના વ્યક્તીને ઇજાઓ પહોંચી હતી. 108ના પાયલોટ બ્રિજેશ જોષી, આકાશ દસાડીયા સહિતની ટીમે પહોંચી જઇને ઇજાગ્રસ્તને સારવાર માટે લઇ આવ્યા હતા. આ બનાવમાં એક્ટીવાને ગાડીનો ચાલક ઉડાડીને નીકળી ગઇ હતી.

પરંતુ એક્ટિવાની પાછળ કપચી ભરેલુ આવતુ ડમ્પર એક્ટિવાના એક વ્યક્તિ પર ફરી વળતા મોત થયુ હતુ અને ડમ્પર મુકી ચાલક ફરાર થઇ ગયો હતો. જો કે, આ બનાવમાં મૃતક અને ઘાયલ વ્યક્તિ ક્યાને છે સહિતની સાચી હકિકત જાણવા માટે એએસઆઈ નિતીનદાન મોડ સહિતની પોલીસ ટીમ ઘટના સ્થળે ધસી જઇને તપાસ શરૂ કરી છે.