ગ્રામજનો દ્વારા સ્વાગત:નિવૃત્ત થઇ વતન ફરેલા ચમારજ, બાકરથળીના જવાનનું સામૈયું

ભારત દેશની રક્ષા માટે આર્મીમા જોડાયેલા વઢવાણા તાલુકાના ચમારજ અને બાકરથળીના સૈનિક 17 વર્ષની ફરજ બજાવી વતન પરત ફરતા ગ્રામજનો દ્વારા સ્વાગત કરાયું હતું. ચમારજના દેવરાજભાઈ ચીકાભાઈ સોળમીયા વર્ષ 2004માં ભારતીય સેનામાં જોડાયા હતા. 17 વર્ષ 7 દિવસની ફરજ બજાવી 31 જાન્યુઆરીએ નિવૃત્ત થતાં બુધવારે વતન પાછા આવ્યા હતા.

દેવરાજભાઇ ફરજ દરમિયાન વિવિધ અનુભવ વાગોળી જણાવ્યુ કે, નિવૃત્તિ જીવન લોકોની સેવા કરીશ અને યુવાનોને તાલીમ આપવા મદદ કરવા માટે તૈયાર રહીશ.તેમજ દેશને ગમે ત્યારે સેવાની જરૂર પડે તો હરહંમેશ તૈયાર રહીશ. જ્યારે વઢવાણ તાલુકાના બાકરથળી ગામના યુવાન રોજાસરા રાજુભાઇ લાલજીભાઇ આર્મીમાં 17 વર્ષ ફરજ બજાવી છેલ્લે પંજાબમાં ડ્યુટી પુર્ણ કરી વતન પરત ફર્યા હતા.