તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

મરચાંના તીખા ભાવે ગૃહિણીઓને રડાવી:ઉત્પાદન ઘટતાં પ્રતિકિલોએ રૂ.110થી 230નો તોતિંગ વધારો

વઢવાણ24 દિવસ પહેલા
  • કૉપી લિંક
જિલ્લામાં મરચાઓના વેચાણ માટેના મંડપ જોવા મળી રહ્યા છે. - Divya Bhaskar
જિલ્લામાં મરચાઓના વેચાણ માટેના મંડપ જોવા મળી રહ્યા છે.
  • રેશમપટ્ટો, કાશ્મીરી ડબ્બી, ચુડા જેવા ગુણવત્તાવાળાં લાલ મરચાંના ભાવ બમણાથી પણ વધુ થયાં
  • વેચાણ : શહેરી વિસ્તારોમાં ઘંટીઓમાંથી સીધું દળેલું મરચું ખરીદવાનો ક્રેઝ

ઝાલાવાડમાં ચુડા અને વઢવાણી મરચાંઓ દેશ વિદેશમાં વખણાય છે આથી સુરેન્દ્રનગર જિલ્લામાં ઠેરઠેર મરચાંના વેચાણ માટે સ્ટોલ લાગી ચૂક્યા છે. પરંતુ આ વર્ષે લાલ મરચાંના ભાવમાં પ્રતિ કિલોએ રૂ.110થી રૂ.230 સુધીનો ભાવ વધારો થતાં ગૃહિણીઓને મરચાંનો લાલ રંગ સાથે ભાવની તિખાશ આંખમાં પાણી લાવી દેશે.

ઝાલાવાડમાં માર્ચ માસના પ્રારંભે લાલ મરચાંના વેચાણનો પ્રારંભ થાય છે. ઉનાળામાં ગૃહિણીઓ મરચાંની ખરીદી મોટા પાયે કરે છે. આથી હાલ સુરેન્દ્રનગર જિલ્લામાં ઠેરઠેર મરચાંના વેચાણ માટે સ્ટોલ લાગી ચૂ્ક્યા છે. પરંતુ આ વર્ષે લાલ મરચાંના ભાવમાં 30 થી 50 ટકાનો ભાવ વધારો થયો છે. જેના કારણે ગૃહિણીઓને મરચાંનો લાલ રંગ સાથે ભાવની તિખાશ આંખમાં અવશ્ય પાણી લાવી દેશે. બીજીતરફ ખેડૂતોએ ખેતરોમાંથી મરચાંની કાપણી કરી વેપારીઓને વેચાણ માટે આપી દીધા છે. જેમાં ચુડાના અને અન્ય મરચાંઓનું વેચાણ ગુજરાત અને ગુજરાત બહાર પણ શરૂ થઈ ગયુ છે.

આ અંગે ચુડાના સિકંદરભાઈ, ઈરફાનભાઈ વગેરેએ જણાવ્યું કે, આ વર્ષે હવામાન અનુકુળ ન હોવાથી મરચાનો છોડ યોગ્ય ઉગ્યો જ નહી અને રોગચાળાના લીધે 20 ટકા ઉત્પાદન ઘટ્યુ હતુ. ખેડૂતો પાસે ઓછા ભાવે લઇ વેપારી 25 ટકા વધુ ભાવે મરચાનો મસાલો બનાવી વહેચી દે છે. આમ ઓછુ ઉત્પાદન અને રોગચાળો આ ભાવ વધારાનું મુખ્ય કારણ બન્યો છે.સારી ગુણવત્તાવાળા મરચાના ભાવો ડબલ ગણો વધારો થયો છે. જ્યારે અન્ય મરચાંના ભાવો 30 થી 50 ટકા વધ્યા છે. જ્યારે હંસાબેન, લીલાબેન વગેરે ગૃહિણીએ જણાવ્યુ કે, મરચાંના ભાવો સંભાળીને આંખમાં પાણી આવી જાય છે. ના છૂટકે ઓછાં જથ્થામાં પણ ખરીદી કરવી પડશે.

સરકારે નીતિ બદલી યોગ્ય ભાવ બાંધણું કરવું જોઇએ
મરચાના પાકમાં ઉત્પાદન ઘટતા ભાવ વધ્યા છે. આ ઉપરાંત મરચાના છોડમાં રોગચાળો આવ્યો હોવાથી પણ પાકને નુકશાન થતા ઉત્પાદન ઘટ્યુ છે. કેન્દ્ર અને રાજ્ય સરકારે નિતી બદલીને ખેડૂત અને ગૃહિણી માટે યોગ્ય ભાવ બાંધણુ કરવુ જોઇએ. > રસિદભાઇ કોંઢિયા, મરચાની ખેતી કરતા ખેડૂત અને વેપારી

2 વર્ષના દળેલા મરચાંનો ભાવ (પ્રતિકિલો)

મરચાં20192020
રેશમપટ્ટો160270
કાશ્મીરી ડબ્બી220450
ચુડા મરચાં100250
તીખ્ખી મરચી120250
ગોંડલપટ્ટો200270
કાશ્મીરી મરચાં200350
તેજા120290
વન્ડર220350
ટમેટી220350
અન્ય સમાચારો પણ છે...

    આજનું રાશિફળ

    મેષ
    Rashi - મેષ|Aries - Divya Bhaskar
    મેષ|Aries

    પોઝિટિવઃ- કોઈ ખાસ કામ પૂરું કરવામાં આજે તમારી મહેનત સફળ રહેશે. સમયમાં સકારાત્મક પરિવર્તન આવી રહ્યું છે. ઘર અને સમાજમાં તમારા યોગદાન અને કાર્યની પણ પ્રશંસા થશે. નેગેટિવઃ- નજીકના કોઈ સંબંધીના કારણે પ...

    વધુ વાંચો