તોડફોડની અરજી:થાનમાં 5 કારના કાચ ફોડી નાંખ્યા

થાનના અલગ અલગ વિસ્તારોમાં મંગળવારે રાત્રીના સમયે 5 કારના કાચ ફોડી નાંખવાની ઘટના બનતા સ્થાનિકોમાં ફફડાટ ફેલાયો હતો. આવારા શખ્સોએ ફુલવાડીમાં 2, વાસુકી પ્લોટમાં 2 અને અદેપર પીપળ વિસ્તારમાં 1 કારને નીશાન બનાવી તોડફોડ કર્યાની પોલીસ મથકે અરજી કરાઇ હતી.

થાન ફુલાવડી વિસ્તારમાં 2 કાર, વાસુકી પ્લોટમાં 2 અને અદેપર પીપળ વિસ્તારમાં એક કારને આવારા તત્વોએ નિશાન બનાવી હતી. કારના આગાળ અને પાછળના કાચ ઉપરાંત દરવાજાના કાચ પણ તોડી પાડ્યા હતા. કારના માલિકોને સવારે આ અંગે જાણ થતાં ભોગ બનનાર નરશીભાઇ ખોડાભાઇ પ્રજાપતિએ થાન પોલીસ મથકે લેખીત અરજી કરી હતી. અને આવા આવારા તત્વોને ઝડપી લઇ કડક કાર્યવાહી કરવા માંગ કરી હતી તેમજ શહેરી વિસ્તારમાં રાત્રીના સમયે પોલીસ પેટ્રોલીંગ વધારવા પણ માંગ કરી હતી. થાન શહેરમાં ફરી આવારા તત્વોએ માથુ ઉંચકતા લોકોમાં ભય સાથે ફફડાટની લાગણી ફેલાઇ હતી.