ધરપકડ:નીનામાની સીમમાં દેશી દારૂ સાથે 3 શખ્સ ઝડપાયા

સાયલાના નીનામા ગામની સીમ જમીનમાં દેશી દારૂની ભઠ્ઠી ધમધમતી હોવાની પોલીસને બાતમી હતી .આ બાબતે પી.એસ.આઇ એચ.એલ. ઠાકર, હિતેષભાઇ રામજીભાઇ, મુકેશભાઇ મનજીભાઇ સહિત પોલીસ કર્મીઓએ નિનામા ગામની સીમ જમીનમાં આવેલા સુરાપુરા દાદની દેરી પાસેના ગભરુભાઇ ખાચર દેશી દારૂબનાવતો હોવાથી દરોડો કર્યો હતો. આ દરમિયાન રવિરાજભાઇ હકુભાઇ ખાચર, ઘુઘલભાઇ ભનાભાઇ બાવળીયા અને પાંચાભાઇ માનસીંગભાઇ બેરાણીને ઝડપી લીધા હતા.

જ્યારે ખુલ્લામાં પાણીના અવાડા પાસે રહેલા પ્લાસ્ટીકના બેરલ 200 લીટર આથો કિમત રૂ.400 અને બેરલમાં 10 લીટર દેશી દારૂ કિ.200નો મળી આવતા 3 આરોપી સાથે બાફણીયુ, એલ્યુમીનીયમ પાઇપ, બાઇક સહિત કુલ રૂ.10,600ના મુદામાલ સાથેના સાધનો ઝડપી લઇને શખ્સોની પુછપરછ કરતા ગભરુભાઇ ખાચર દેશીદારૂ બનાવતા હોવાનું બહાર આવ્યું હતુ અને રવિરાજભાઇના બાઇકને ગુનાના કામમાં સાથે લઇને ધજાળા પોલીસે ગુનો દાખલ કર્યો હતો અને મુખ્ય આરોપી ગભરુભાઇ ખાતરને ઝડપી લેવા કાર્યવાહી શરૂ કરી છે. તેમજ આ પ્રકારની પ્રવૃત્તિ દામવા પોલીસે કડક કાર્યવાહી હાથ ધરી.