જાનહાનિ ટળી:ખારાઘોડામાં અંગ્રેજોએ બનાવેલા મોલની છત પડી

ભારતનો સૌ પ્રથમ શોપીંગ મોલ અંગ્રેજોએ સને 1905માં ખારાઘોડામાં બનાવ્યો હતો. આ શોપીંગ મોલની છત ધરાશાઇ થતા દોડધામ મચી જવા પામી હતી. આ ઘટનામાં સદભાગ્યે મોટી જાનહાની ટળી હતી. આ અૈતિહાસીક મોલની 10 દુકાનો આજેય ખારાઘોડાના ભવ્ય ભૂતકાળની ગવાહી પુરી પાડે છે.

સને 1905માં બ્રિટિશ ગવર્નમેન્ટ હસ્તક ચાલતી હિન્દુસ્તાન સોલ્ટ કંપનીએ ખારાઘોડામાં આ શોપીંગ મોલ બનાવ્યો હતો. જેમાં 10 ઊંચા ઓટલાવાળી દુકાનો વ્યવસ્થિત રીતે બનવાઇ હતી. ખારાઘોડાના સ્થાનિક લોકો દ્વારા તેને ‘બલકેલી બજાર’ એવું નામ આપવામાં આવ્યું છે. આ બજારમાં આવેલી દુકાનોના માલિકો પાછલા 30થી 35 વર્ષની માલિકી ધરાવે છે. આ શોપીંગ મોલની છત અચાનક ધરાશાઇ થતા દોડધામ મચી જવા પામી હતી. આ ઘટનામાં સદભાગ્યે મોટી જાનહાની ટળી હતી.

આ અંગે આ શોપીંગ મોલના દુકાનદાર રાજુભાઇ રાફુચા જણાવે છે કે, આજેય ખારાઘોડા હિંદુસ્તાન સોલ્ટ લિ. દર વર્ષે આ શોપીંગ મોલની દુકાનોના ભાડામાં અવિરત વધારો કરે છે પણ સુવિધાના નામે અહીં આજેય મીંડુ છે. આ શોપીંગ મોલની છત ધડાકાભેર ધરાશાયી થઇ હતી. એ સમયે બજાર બંધ હોવાથી સદભાગ્યે મોટી જાનહાની ટળવા પામી હતી. બુધવારે આ બલકેલી બજારની આજુબાજુમાં બ્રોમિન અને કેમિકલ ઢોળાતા લોકોની આંખો ચોળતા નજરે પડ્યાં હતા.