સિનિયર સિટીઝન મહિલા સ્પર્ધા:લિંબડી ખાતે સિનિયર સિટીઝન મહિલાઓ માટે એથ્લેટિક્સ, ચેસ, યોગાસન, રસ્સાખેંચ જેવી વિવિધ સ્પર્ધાઓ યોજાઈ

આજરોજ રમતગમત, યુવા અને સાંસ્કૃતિક પ્રવૃત્તિઓનો વિભાગ અને સ્પોર્ટ્સ ઓથોરિટી ઓફ ગુજરાત ગાંધીનગર તેમજ જિલ્લા રમત વિકાસ અધિકારીની કચેરી, લિંબડી દ્વારા આઝાદીકા અમૃત મહોત્સવ, જી-20 અને વિશ્વ મહિલા દિવસ અંતર્ગત સ્પોર્ટ્સ કોમ્પ્લેક્સ લિંબડી ખાતે સિનિયર સિટીઝન મહિલાઓ (60 વર્ષથી ઉપરની) માટે એથ્લેટિક્સ, ચેસ,યોગાસન, રસ્સાખેંચ જેવી વિવિધ સ્પર્ધાઓનું આયોજન કરવામાં આવ્યું હતું. આ સ્પર્ધામાં 100થી વધુ બહેનોએ ઉત્સાહપુર્વક ભાગ લઈ બાળપણ યાદ કર્યું હતું.

જિલ્લા રમત વિકાસ અધિકારીની કચેરી દ્વારા ભાગ લીધેલા તમામ ખેલાડીઓને પ્રમાણપત્ર અને મોમેન્ટો આપવામાં આવ્યા હતા. આ કાર્યક્રમમાં લિંબડી નગરપાલિકા પ્રમુખસુ બેલાબેન વ્યાસ, જિલ્લા રમત વિકાસ અધિકારી પાર્થ ચૌહાણ, ખો-ખો હેડ કોચ મુકેશભાઇ છત્રોલા સહિત મોટી સંખ્યામાં ખેલાડીઓ ઉપસ્થિત રહ્યા હતા.