તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

અકસ્માત:ટંકારામાં અજાણ્યા વાહનની અડફેટે બે બાઇક સવારના કમકમાટીભર્યા મોત થયા

સુરેન્દ્રનગર10 દિવસ પહેલા
  • કૉપી લિંક
ટંકારામાં અજાણ્યા વાહનની અડફેટે બે બાઇક સવારના કમકમાટીભર્યા મોત થયા - Divya Bhaskar
ટંકારામાં અજાણ્યા વાહનની અડફેટે બે બાઇક સવારના કમકમાટીભર્યા મોત થયા
  • પોલીસે મોત અંગેનો ગુનો દાખલ કરી કાર્યવાહી હાથ ધરી

મોરબીના ટંકારા તાલુકાના નેકનામ હમીરપર રસ્તા ઉપર ડબલ સવારી મોટરસાયકલ પર જઇ રહેલા બે બાઇક સવારને પુર ઝડપે આવતા અજાણ્યા વાહને ધડાકાભેર અડફેટે લીધું હતુ. જેમાં મોટરસાયકલ પર સવાર બે વૃદ્ધને હાથે, પગે અને માથામાં ગંભીર ઇજાઓ પહોંચી હતી. જેથી બંનેનું ઘટનાસ્થળે જ કમકમાટીભર્યું મોત નિપજ્યું હતુ.

બંનેનું ઘટનાસ્થળે જ કમકમાટીભર્યું મોત નિપજ્યું

આ ઘટનાની જાણ થતા ટંકારા પોલીસે ઘટનાસ્થળે દોડી જઇ બંને લાશોને પોસ્ટ મોર્ટમ માટે ટંકારા સિવિલ હોસ્પિટલ ખાતે મોકલી આપી હતી. અને અજાણ્યા વાહન ચાલક વિરૂદ્ધ અકસ્માતે મોત અંગેનો ગુનો દાખલ કરી કાર્યવાહી હાથ ધરી છે. મોરબીના ટંકારા તાલુકાના નેકનામ હમીરપર ગામ પાસેથી ડબલ સવારી બાઇક પસાર થતું હતુ. ત્યારે આ બાઇકને અજાણ્યા વાહને અડફેટે લેતા બાઇકમાં સવાર બંનેને હાથે, પગે અને માથામાં ગંભીર ઇજાઓ પહોંચતા એમને લોહિલુહાણ હાલતમાં સારવાર અર્થે હોસ્પિટલમાં લઇ જવાય એ પહેલા જ બંનેનું ઘટનાસ્થળે જ કમકમાટીભર્યું મોત નિપજ્યું હતુ.

મૃતદેહોને પોસ્ટ મોર્ટમ માટે ટંકારા હોસ્પિટલ ખાતે લઇ જવાયા

આ ગોઝારા અકસ્માત બાદ બંનેના મૃતદેહોને પોસ્ટ મોર્ટમ માટે ટંકારા હોસ્પિટલ ખાતે ખસેડવામાં આવ્યાં હતા. આજે સવારે સાડા નવ વાગ્યાના અરસામાં આ ગમખ્વાર અકસ્માત સર્જાયો હતો. જેમાં ટીશાભાઇ ગોગાભાઇ ભરવાડ ( ઉંમર વર્ષ- 67 ) રહે- રેલનગર મેઇન રોડ, સંતોષનગર, રાજકોટ અને વાલાભાઇ ભાનાભાઇ ભરવાડ ( ઉંમર વર્ષ- 62 ) રહે- મિતાણાવાળાનું મોત નિપજ્યું હતુ. ટંકારા પોલીસે અજાણ્યા વાહન ચાલક વિરૂદ્ધ અકસ્માતે મોત અંગેનો ગુનો દાખલ કરી ચક્રો ગતિમાન કર્યા છે.

અન્ય સમાચારો પણ છે...

    આજનું રાશિફળ

    મેષ
    Rashi - મેષ|Aries - Divya Bhaskar
    મેષ|Aries

    પોઝિટિવઃ- આજની સ્થિતિ થોડી અનુકૂળ રહેશે. બાળકોને લગતા કોઇ શુભ સમાચાર મળવાથી મન પ્રસન્ન રહેશે. ધાર્મિક ગતિવિધિઓમાં સમય પસાર કરવાથી માનસિક શાંતિ પણ મળી શકે છે. નેગેટિવઃ- ધનને લગતું કોઇપણ પ્રકારનું લે...

    વધુ વાંચો