દુર્ઘટના:ખોડુના પાદરે વીજશોક લાગતાં કડબ ભરેલો ટેમ્પો સળગી ઉઠ્યો

વઢવાણ તાલુકના ખોડુ ગામના રઘુભાઈ મોહનભાઈ આલ સુરેન્દ્રનગરથી 407-ટેમ્પામાં સુકુ કડબ ભરીને ખોડુ ગામે આવતા હતા. ત્યારે ગામના સીમાડે નવા વિસ્તારમાં આવતા રસ્તા પરથી પસાર થતી વીજલાઈનમાં કડબ અડી જતા વીજશોકથી આગ ભભુકી ઉઠી હતી. આ અંગે ગામના ઉપપ્રમુખ પ્રવિણભાઇ તેજાભાઈ મકવાણા, હર્ષદભાઈ રતીલાલ શેઠે જણાવ્યું કે, ગામ લોકોએ પાણીનો મારો ચલાવીને આગને કાબુમાં લીધી હતી. બીજી તરફ આગમાં અંદાજે 100 મણથી વધુ કડબ બળી ગયુ હતુ.