મહાસંગ્રામ 2021:સફાઇ, અપરતુ પાણી વિતરણ અને વરસાદી પાણીના નિકાલની સમસ્યાથી પ્રજા પરેશાન

વોર્ડ નંબર 2 માં સફાઇ, પાણી અને વરસાદી પાણીના નિકાલ સહીતની સુવિધાઓના અભાવથી સ્થાનિકો તોબા પોકારી ગયા છે. આ ઉપરાંત ભૂગર્ભ ગટરની લાઇનના કનેક્શન આપવા, પાકા રસ્તા, લાઇન લીકેજનું સમારકામ સહીતના પ્રશ્નોનો કોઇ કાયમી ઉકેલ ન આવતા આ સમસ્યાઓ રહીશો માટે માથાના દુખાવા સમાન બની ગઇ છે. વોર્ડ નંબર 2માં કુલ 16663 મતદારો છે જેમાં સૌથી વધુ મુસ્લીમ સમાજના 2800થી વધુ મત છે. ત્યારે આ વોર્ડમાં ગમે તે પક્ષના સદસ્યો ચૂંટાય પરંતુ સુવિધાઓ પુરી પાડે તેવી મતદારોની માંગ છે.

ખોદકામ કર્યા બાદ કોઇ સાંભળતુ જ નથી
ભૂગર્ભ ગટર અને પાણીની લાઇન પાછળ તંત્ર દ્વારા કરોડો રૂપિયાનો ખર્ચ કરાયો આવ્યો છે પરંતુ અમારા વિસ્તારમાં હજુ સુધી આ બન્ને યોજનામાંથી એક પણ યોજના સફળ નથી થઇ.ગટરો બ્લોક થઇ જતાં ગંદા પાણી ઘરમાં ઘુસી જાય છે. લાઇનના કનેક્શનો દેવા પણ પાલિકાના માણસો સમયસર આવતા નથી. > સમીરભાઇ યુનુસભાઇ, સ્થાનિક

પુરતી સુવિધાઓ નથી મળતી
અમે 30 વર્ષથી વસવાટ કરીએ છીએ. અગાઉ ભાજપ, કોંગ્રેસ બન્ને પક્ષોનું સાશન આવ્યું છે પરંતુ અમારો વિસ્તાર આજે પણ પ્રાથમિક સુવિધાઓથી વંચીત છે. પાલિકા દ્વારા કરોડોના વિકાસના કામો કર્યા હોવાની મસમોટી જાહેરાત કરવામાં આવે છે પરંતુ અમે તો હજુ પણ રસ્તા, પાણી અને સફાઇ જેવી પ્રાથમિક સુવિધાથી પણ વંચીત છીએ. > સીરાજભાઇ જુસબભાઇ ઘાંચી, સ્થાનિક

કુલ મતદાર : 16663
કયા કયા વિસ્તાર