તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

વતન પ્રેમ:યુ.કે.માં અનેક સ્ટેજ શો કરનારા આઠ વર્ષના તબલા વાદકે અગરિયાઓના શિક્ષણ અને આરોગ્ય માટે ગણેશ વંદના રિલીઝ કરી

સુરેન્દ્રનગર3 મહિનો પહેલા
  • કૉપી લિંક
યુ.કે.માં અનેક સ્ટેજ શો કરનારા આઠ વર્ષના તબલા વાદકે અગરિયાઓના શિક્ષણ અને આરોગ્ય માટે ગણેશ વંદના રિલીઝ કરી - Divya Bhaskar
યુ.કે.માં અનેક સ્ટેજ શો કરનારા આઠ વર્ષના તબલા વાદકે અગરિયાઓના શિક્ષણ અને આરોગ્ય માટે ગણેશ વંદના રિલીઝ કરી
  • હાલ પરમ જાની હજારો કિમી દૂર રહીને પણ ગરીબ અને પછાત અગરીયાઓનો હમદર્દ બની ગયો

ગુજરાતનાં વેરાન રણમાં અંદાજે 5000 અગરિયા પરિવારો વર્ષના આઠ મહિના કંતાનનું ઝુંપડુ બાંધી ગાત્રો થીજાવતી ઠંડીમાં અને ધોમધખતા તાપમાં "કાળી મજૂરી દ્વારા સફેદ મીઠું" પકવવાનું આકરૂ કામ કરે છે. ગુજરાતનો છેવાડાનો માનવી ગણાતા એવા અગરિયાઓ આજેય રણમાં રસ્તા, પાણી, વિજળી અને શિક્ષણ જેવી પ્રાથમિક સુવિધાઓથી વંચિત હોવાથી આજેય 18મી સદીમાં જીવતા હોવાનો ઘાટ સર્જાયેલો છે. ત્યારે આ વાત વતનપ્રેમી આઠ વર્ષના પરમ જાનીની છે. જેમાં યુ.કે.માં અનેક સ્ટેજ શો કરનારા આઠ વર્ષના તબલા વાદકે અગરિયાઓના શિક્ષણ અને આરોગ્ય માટે ગણેશ વંદના રીલીઝ કરી છે.

મમ્મી પપ્પા પાસેથી અગરીયાઓ વિષે જાણવા મળ્યું

મૂળ અમદાવાદના, પણ હાલ એમના મમ્મી મનીષા અને પપ્પા ઋશાંગ સાથે યુકેમાં રહે છે. આઠ વર્ષનો પરમ તબલા વાદક છે. તેમજ સાથે હિંદુસ્તાની ક્લાસિકલ શીખે છે. અને યુકેમાં અનેક સ્ટેજ શો પણ કર્યા છે. પરમને એના મમ્મી પપ્પા પાસેથી અગરીયાઓ વિષે જાણવા મળ્યું હતુ. અગરિયાઓની વેદના સાંભળી પરમે નક્કી કર્યું કે, તે રણમાં મીઠું પકવતા અગરીયાઓ માટે કઇંક કરશે. એણે એની કલા અગરીયાઓને અર્પણ કરી છે.

સુંદર ગણેશ વંદના યુટ્યુબ પર રિલીઝ કરી

યુ.કે.ના આઠ વર્ષના પરમ જાનીએ સુંદર ગણેશ વંદના યુટ્યુબ પર રિલીઝ કરીને અગરીયાઓના બાળકોના શિક્ષણ અને અગરિયાઓના આરોગ્ય માટે ટેકો કરવા મદદ કરવા અપીલ કરી છે. પરમ હવે જ્યારે અમદાવાદ આવશે ત્યારે અગરીયાઓને મળવા ચોક્કસ આવશે. પણ હાલ પરમ જાની હજારો કિમી દૂર રહીને પણ ગરીબ અને પછાત અગરીયાઓનો હમદર્દ બની ગયો છે. યુ.કે.ના આઠ વર્ષના પરમ જાનીની લાગણી અને હૂંફ અગરીયાને સંઘર્ષ ટકાવી રાખવા પ્રેરણા આપશે.

અન્ય સમાચારો પણ છે...