ઉજવણી:કોંગ્રેસના 136માં સ્થાપના દિવસની ઉજવણી કરાઈ

જિલ્લા કોંગ્રેસ દ્વારા કોંગ્રેસ પક્ષના 136માં સ્થાપના દિવસની ઉજવણી મહાત્મા ગાંધી હોસ્પિટલ ખાતે કરી હતી. જેમાં જિલ્લા પ્રમુખ રૈયાભાઇ રાઠોડ સહીત જિલ્લાના કોંગ્રેસના આગેવાનો અને કાર્યકરો હાજર રહ્યાં હતા. અને ગાંધીજીની પ્રતિમાને સુતરની આંટી પહેરાવી સુત્રોચ્ચાર કરવામાં આવ્યા હતા.

તેમજ કોંગી આગેવાનોએ ગાંધી હોસ્પિટલના દર્દીઓની મુલાકાત લઇ તેમને પડતી મુશ્કેલી અંગે ચર્ચા કરી હતી. અને સ્થાનિક સ્વરાજની ચૂંટણીઓ આવી રહી છે ત્યારે કોંગ્રેસની વિચારધારા સમગ્ર જિલ્લામાં જનજન સુધી પહોંચાડવાનો સંકલ્પ કર્યો હતો.