તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

ધરપકડ:સુરેન્દ્રનગરમાં રિક્ષામાં બેસેલી મહિલાનાં ઘરેણાં ચોરવાના પ્રયાસ સાથે શંકાસ્પદ યુવતી પોલીસ સાણસામાં આવી

સુરેન્દ્રનગરએક મહિનો પહેલા
  • કૉપી લિંક
  • LCB ટીમે રાજસ્થાનના યુવતીની અટક કરી તેની સામે ગુનો નોંધી વધુ તપાસ હાથ ધરી

સુરેન્દ્રનગરના આંબેડકર ચોક રાજહોટલ વિસ્તારમાં લોકોની મોટા પ્રમાણમાં અવરજવર રહે છે. ત્યારે શુક્રવારે બપોરના સમયે રિક્ષા બેસેલી યુવતીએ સુરેન્દ્રનગર -વઢવાણ-દૂધરેજ પાલિકાની મહિલા કર્મીના સોનાનો ચેન અને બુંટીયા ચોરવાનો પ્રયાસ કર્યો હતો. મહિલા કર્મી ઉગરીબેને હિંમત દાખવીને ચાલુ રિક્ષાએ યુવતીનો સામનો કરીને પડકારી હતી.

આ દરમિયાન એલસીબી પોલીસ ટીમ દોડી આવતા આ શંકાસ્પદ યુવતીને દબોચી લીધી હતી. યુવતીની પૂછપરછ કરતા તે રાજસ્થાનના ભરતપુર જિલ્લાની 25 વર્ષના અંજલી ઉર્ફે રંજની વિક્રમભાઈ રાજપુત હોવાનું જણાવ્યુ હતુ. હાલ આ બનાવમાં એલસીબીના એન.ડી.ચુડાસમાએ શંકાસ્પદ યુવતી સામે બી-ડિવીઝન પોલીસ મથકે ફરિયાદ નોંધાવી યુવતીની ધરપકડ કરી હતી.

અન્ય સમાચારો પણ છે...