વ્યવસ્થા:ઓખા-દિલ્હી સરાય રોહિલા વચ્ચે સમર સુપરફાસ્ટ સ્પેશિયલ ટ્રેન

પશ્ચિમ રેલ્વે દ્વારા ઓખા-દિલ્હી સરાય રોહિલા વચ્ચે દોડશે સમર સુપરફાસ્ટ સ્પેશિયલ ટ્રેન દોડાવાનુ આયોજન કર્યુ છે.જે સુરેન્દ્રનગર સહિત 22 સ્ટેશનોએ સ્ટોપેજ લેશે જેની ટિકિટનું બુકિંગ 18 માર્ચથી થઇ શકશે.આ ટ્રેનમાં એસી 2-ટાયર, એસી 3-ટાયર, સ્લીપર અને સેકન્ડ ક્લાસ જનરલ કોચની સુવિધા મળશે પશ્ચીમ રેલ્વેએ મુસાફરોની સુવિધા માટે ઓખા-દિલ્હી સરાઈ રોહિલા વચ્ચે વિશેષ ભાડા પર સમર સુપરફાસ્ટ સ્પેશિયલ ટ્રેન ચલાવવાનો નિર્ણય કર્યો છે.

આ અંગે રાજકોટ ડિવિઝનના સિનિયર ડીસીએમ શ્રી સુનિલ કુમાર મીના ના જણાવ્યુ કે ઓખા-દિલ્હી સરાઈ રોહિલ્લા સુપરફાસ્ટ સ્પેશિયલ 10 ટ્રિપ્સ કરશે.ઓખા - દિલ્હી સરાઈ રોહિલા સ્પેશિયલ ઓખાથી દર મંગળવારે 10:00 કલાકે ઉપડશે અને બીજા દિવસે 10:10 કલાકે દિલ્હી સરાઈ રોહિલ્લા પહોંચશે. આ ટ્રેન 18મી એપ્રિલથી 16મી મે, 2023 સુધી ચાલશે. એ જ રીતે, ટ્રેન દિલ્હી સરાય રોહિલ્લા - ઓખા સ્પેશિયલ દિલ્હી સરાય રોહિલાથી દર બુધવારે 13:20 કલાકે ઉપડશે અને બીજા દિવસે 13:50 કલાકે ઓખા પહોંચશે.

આ ટ્રેન 19મી એપ્રિલથી 17મી મે, 2023 સુધી ચાલશે.આ ટ્રેન દ્વારકા, ખંભાળિયા, જામનગર, હાપા, રાજકોટ, સુરેન્દ્રનગર, વિરમગામ, મહેસાણા, ઊંઝા, સિદ્ધપુર, પાલનપુર, આબુ રોડ, ફાલના, મારવાડ, બ્યાવર, અજમેર, કિશનગઢ, જયપુર, ગાંધી નગર જયપુર, બાંદીકુઇ, અલવર અને રેવાડી સ્ટેશનો પર રોકાશે.આ ટ્રેનમાં એસી 2-ટાયર, એસી 3-ટાયર, સ્લીપર અને સેકન્ડ ક્લાસ જનરલ કોચ હશે જેનું બુકિંગ 18 માર્ચથી શરૂ થશે.