રજૂઆત:કાયમી સફાઇ કામદારોને છઠ્ઠા, સાતમા પગારધોરણ મુજબ એરિયર્સ ચૂકવો

સુરેન્દ્રનગરએક મહિનો પહેલા
  • કૉપી લિંક
  • રાજ્ય કર્મચારી સંઘે પાલિકા પ્રમુખ, ચીફ ઓફિસરને લેખિત રજૂઆત કરી
  • કામદારોનું એરિયર્સ ચૂકવવાનું બાકી હતું તે ચૂકવી અપાશે: ચીફ ઓફિસર

ગુજરાત રાજ્ય કર્મચારી સંઘે પાલિકા પ્રમુખ અને ચીફ ઓફિસરને લેખિત રજૂઆત કરી હતી. જેમાં કાયમી સફાઇ કામદારોને છઠ્ઠા, સાતમા પગાર પંચના ધોરણ મુજબ એરિયર્સ ચૂકવવા માંગ કરી હતી. સુરેન્દ્રનગર-દૂધરેજ-વઢવાણ સંયુક્ત પાલિકાના કામ કરતા 185થી વધુ કાયમી સફાઇ કામદારોને એરિયર્સ ચૂકવવાના બાકી હોવાથી પરેશાની થઇ રહી હતી. આથી ગુજરાત રાજ્ય કર્મચારી સંઘે પાલિકા પ્રમુખ અને ચીફ ઓફિસરને લેખિત રજૂઆત કરી હતી. જેમાં જણાવ્યા મુજબ પાલિકા દ્વારા ઓફિસ સ્ટાફને સપ્ટેબર-ઓક્ટોબર 2019માં છઠ્ઠા પગાર પંચના તફાવતની રકમ ચૂકવવામાં આવી છે.

સાતમા પગારપંચની એરિયર્સની રકમ ચૂકવાઇ નથી. સફાઇ કામદારોને છઠ્ઠા કે સાતમા પગાર પંચની એરિયર્સની રકમ ચૂકવાઇ નથી. જ્યારે સ્ટીકર આવ્યા બાદ કાયમી સફાઇ કામદારોને છઠ્ઠા સાતમા પગારપંચનો લાભ આપી એરિયર્સની રકમ ચૂકવાશે તેમ જણાવ્યું હતું. સ્ટીકર આવ્યા બાદ લેખિત અને મૌખિક રજૂઆત બાદ પણ હજુ સુધી એરિયર્સની રકમ ચૂકવાઇ નથી.

આગામી તહેવારોને ધ્યાને લઇ સફાઇ કામદારોને એરિયર્સ ચૂકવવા માંગ કરીહતી.જો તેમ નહીં કરાય તો આંદોલનની ચીમકી આપી હતી. આ અંગે ચીફ ઓફિસર સંજયભાઇ પંડ્યાએ જણાવ્યુ કે છઠ્ઠા પગારપંચના કામદારોને એરિયર્સ ચૂકવવાનું બાકી હતું જે મંજૂર કરાયું છે. બિલ બનાવવાની કામગીરી ચાલુ છે જે બનતા 95 લાખ જેટલી રકમ સફાઇ કામદારોને એરિયર્સ પેટી ચૂકવાશે.

અન્ય સમાચારો પણ છે...