શું શીખવી ગયું 2020:કસરતને દિનચર્ચા બનાવી દીધી, સવારે 5:00 વાગે યોગ અને કસરત ચાલુ કરી જીવનમાં પરિવર્તન લાવ્યા

કોરોનાએ વિશ્વને હચમચાવી નાખ્યુ છે. સુરેન્દ્રનગરમાં પણ કોરોનાનો શિકાર અનેક લોકો બની ચૂકયા છે. તેનાથી બચવા માટે માસ્ક અને દૂર આ બે બાબત તો મહત્વની જ છે પરંતુ તેની સાથે સાથે આ બીમારીથી બચવુ હોય તો તમારૂ સ્વાસ્થ્ય ખુબ સારૂ હોવુ પણ જરૂરી છે. તંદુરસ્ત શરીર કોરોનાની સામે તમારી ઢાલ બનીને ઉભુ રહે છે. આ બાબત સ્પષ્ટ છે. ત્યારે સુરેન્દ્રનગર એસ.એન.વિધાલયના સંચાલક સુનીલચંદ્ર મોટકાએ કોરોનાની મુશ્કેલ ઘડીમાં જીવનશૈલીમાં પરિવર્તન કરીને સ્વસ્થય બાબતે જાગૃત બન્યા હતાં.

ડાયાબીટીશ હોવાથી જાગૃત રહેવુ પણ ખુબ જરૂરી હોય તેમણે જયારથી પ્રથમ લોકડાઉન આવ્યુ ત્યારે ઘરના તમામ સભ્યો વહેલી સવારે 5.30 વાગે ઉઠી જઇએ છીએ અને યોગા, પ્રાણાયામ સાથે કસરત પણ કરવા લાગ્યા છીએ. આજે કસરત મારા પરિવારની દિનચર્યાનો એક ભાગ બની ગયો છે. મારે સુગર હોય ઘરમાં જ દરરોજ 6 થી 7 કિમી સાયકલીંગ પણ કરૂ છુ. બહાર જમવાની જગ્યાએ ભોજનમાં સાદા ખોરાકની ટેવ પડી ગઇ છે.