વાતાવરણમાં પલટો:ચોટીલામાં ધુમ્મસમય વાતાવરણમાં વાહનચાલકો અટવાયા

સુરેન્દ્રનગર જીલ્લાના ચોટીલામાં આજે અચાનક વાતાવરણમાં બદલાવ જોવા મળ્યો હતો. આજે વહેલી સવારથી જ હાઇવે પર અને સમગ્ર ચોટીલા શહેરમાં ધુમ્મસમય વાતાવરણ સર્જાયું હતુ. સુરેન્દ્રનગર જીલ્લાના ચાંમુડા માતાના ધામ એવા ચોટીલા શહેરમા અચાનક વાતાવરણમાં બદલાવ જોવો મળ્યો હતો. આજે ચોટીલામાં વહેલી સવારે ફરી ઠંડીની અસર અને ધુમ્મસ થવાના કારણે હાઇવે પર વાહનચાલકોને પણ ફોગ લાઇટનો ઉપયોગ કરીને વાહન ચલાવવાની ફરજ પડી તેમજ ધુમ્મસના કારણે લોકોએ પોતાના વાહનો સાઇડમાં પાર્ક કરીને વાતાવરણ ખુલ્લુ થવાની રાહ જોવાની ફરજ પડી હતી.

વાતાવરણ બદલાતા ઠંડીનો ચમકારો
ચોટીલા ચામુંડા માતાજીના મંદીરે પણ તળેટીથી ડુ્ંગર ધુમ્મસના આડમા ગાયબ થયો હોય તેવા દ્રશ્ય જોવા મળ્યા હતા. ભકતોએ પણ ધુમ્મસના કારણે ડુંગરના મંદીરે જવા માટે થોડા વિરામ બાદ ઉપર દર્શન કરવા ગયા હતા. ​​​​​​​ચોટીલામાં વહેલી સવારે કસરત કરતા લોકો અને ક્રિકેટ રમતા યુવાનોએ ધુમ્મસના વાતાવરણની મજા લેતા કસરતો અને ક્રિકેટ રમતા જોવા મળ્યા હતા. જેનાથી વાતાવરણમાં બદલાવ સર્જાતા ઠંડીનો ચમકારો પણ જોવા મળ્યો હતો.