માગણી:જિલ્લામાં ભ્રષ્ટાચાર સામે કડક કાર્યવાહી કરવા માંગ

જિલ્લામાં ખનીજ, રોયલ્ટી ચોરી અને ભ્રષ્ટાચાર સામે કડક કાર્યવાહી કરવાની માંગ સાથે જિલ્લા પંચાયતના માજી સદસ્યએ વિડીયો ફરતો કર્યો. જેમાં જિલ્લામાં ચાલતી ખનીજચોરી અટકાવવા માંગ કરી. જિલ્લામાં જુદાજુદા ખનીજ તત્વો મળી આવતા હોવાથી ભુમાફીયાઓ દ્વારા તેનું ગેરકાયદેસર ખનન કરાતુ હોવાની બુમરાડો ઉઠી છે.

ત્યારે જિલ્લા માજી સદસ્ય અને ચોટીલાના વતની મોહનભાઇ ડાભીએ વિડીયો ફરતો કર્યો હતો. જેમાં તેઓએ જિલ્લામાં ખનીજ ચોરી અને રોયલ્ટી ચોરી કરી ભુમાફીયાઓ કરોડો કમાઇ સરકારી તીજોરીને નુકશાન પહોંચાડે છે. અને ગેરકાયદેસર ખનીજ ચોરીથી રોયલ્ટીની આવક જતા સરકારની તીજોરીને નુકશાની અટકાવી તેમાંથી થતી આવક મહામારીમાં લોકોના સદઉપયોગમાં લેવા માંગ કરી હતી.

જ્યારે ખનીજચોરી રોયલ્ટી ચોરી અને ભ્રષ્ટાચાર અટકાવવા અને ભુમાફીયાઓ સામે લાલઆંખ કરી કાર્યવાહી કરવા માંગ સાથે મુખ્યમંત્રી લોક દરબાર અને કલેક્ટર કચેરીમાં પણ રજૂઆત કરી હોવાનું વિડીયોના અંતમાં જણાવ્યુ હતુ.જ્યારે વિડીયોમાં કલેક્ટર ઉપર પણ આક્ષેપ કરવામાં આવ્યા હતા.