અકસ્માતનો ભય:સુરેન્દ્રનગરમાં આનંદમંગલ ફ્લેટ નજીક આવેલા ટીસીથી જોખમ

સુરેન્દ્રનગરની પાણીની ટાંકી રોડ પર આવેલ શેરી નં.1માં આવેલ ફ્લેટની એકદમ નજીક પીજીવીસીએલનું ટીસી હોવાથી લોકો અકસ્માતનો ભય રહે છે. આ ટીસીને અન્યત્ર ખસેડવા રજૂઆત છતા યોગ્ય ન કરાતા લોકોમાં રોષની લાગણી ફેલાઇ છે. સુરેન્દ્રનગરના પાણીની ટાંકી રોડ પર અપના બજાર વિસ્તારની શેરી.1માં આનંદમંગલ આવેલા છે. જ્યાં 10થી વધુ પરીવારોમાં 30થી વધુ લોકો રહે છે. આ ફ્લેટ એકદમ પાસે વીજતંત્રનું ટીસી આવેલ હોવાથી લોકોને અકસ્માતનો ભય રહે છે. આ અંગે નલીનીબેન પટ્ટણી, રેણુકાબેન શાહ, પ્રિતિબેન કંદોઇ, ગીતાબેન સોની, રેખાબેન શાહ સહિતના મહિલાઓએ જણાવ્યુ કે આ ટીસી ફ્લેટની એકદમ નજીક હોવાથી અકસ્માતનો ભય રહે છે.

જ્યારે ફ્લેટપણ જુના હોવાથી જર્જરીત થઇ ગયા હોવાથી ટીસીને લીધે રીપેરીંગ કરવવી શકાતુ નથી હાલ ફ્લેટ જર્જરીત હોવાથી પોપડા ખરત હોવાથી જોડ જજરીત ભાગ ટીસી પર પડેતો ગંભીર અકસ્માત થવાનો ભય રહે છે. આ અંગે અમોએ નાયબ ઇજનેર પીજીવીસીએલ શહેરી વિસ્તા-1સુરેન્દ્રનગરમાં રજૂઆત કરી આ થાંભલો રૂબરૂ મુલાકાત લઇ અન્ય સ્થળે ખસેડવા માંગ કરવામાં આવી છતા યોગ્ય કરાયુ નથી. અહીંથી શેરીના લોકો અને રસ્તા પરથી પણ લોકો પસાર થતા હોવાથી અકસ્માતનો ભય રહે છે. આથી લોકહીતમાં વીજટીસી અન્યત્ર ખસેડવા માંગ છે.