તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

રજુઆત:જિલ્લામાં દુષ્કાળની પરિસ્થિતિ ધ્યાને લઇ સહાય માટે તાત્કાલીક પગલા લો, આપ આગેવાનો, કાર્યકરોનું કલેક્ટર કચેરીમાં લેખિત આવેદન

સુરેન્દ્રનગરએક મહિનો પહેલા
  • કૉપી લિંક
સુરેન્દ્રનગર આપ આગેવાનો, કાર્યકરોએ કલેક્ટર કચેરીમાં આવેદન પાઠવ્યું હતું. - Divya Bhaskar
સુરેન્દ્રનગર આપ આગેવાનો, કાર્યકરોએ કલેક્ટર કચેરીમાં આવેદન પાઠવ્યું હતું.

સુરેન્દ્રનગર આમ આદમી પાર્ટીના આગેવાનો અને કાર્યકરોએ જિલ્લા કલેક્ટર કચેરીમાં લેખિત આવેદન પાઠવ્યું હતું. જેમાં જિલ્લામાં દુષ્કાળ જેવી સ્થિતિ ધ્યાને લઇને ખેડૂત-પશુપાલકો સહિત ગ્રામ્ય પ્રજાને તાત્કાલિક સહાય માટેના પગલા લેવા માંગ કરી હતી. સુરેન્દ્રનગર આમ આદમી પાર્ટી જિલ્લા પ્રમુખ હિતેશભાઇ નાયકપરાની આગેવાનીમાં આગેવાનો અને કાર્યકરોએ કલેક્ટર કચેરીમાં રાજ્યપાલ અને મુખ્યમંત્રીને સંબોધી આવેદન પાઠવ્યું હતું. જેમાં જણાવ્યા મુજબ ગુજરાત સ્ટેટ ડિઝાસ્ટર મેનેજમેન્ટ ઓથોરિટિની વેબસાઇટના આંકડા મુજબ જૂન, જુલાઇ, ઓગસ્ટ દરમિયાન સરેરાસ વરસાદ 41.71 ટકા થયો છે.

આમ રાજ્યની 30 વર્ષની સરેરાશ સામે આ વર્ષ વરસાદની 58.29 ટકા ઘટ છે. સરકાર દુષ્કાળગ્રસ્ત પરિસ્થિતિમાં યોજનાઓનો અમલ કરે તેવી માંગ કરી હતી. જેમાં એસડીઆરએફ અંતર્ગત સરવે કરાવવી સહાય ચૂકવવા, મુખ્યમંત્રી કિસાન સહાય યોજના એસડીઆરએફના ધોરણે જ સરવે કરી ખેડૂતોને નુકસાન થયું તે પ્રમાણે ભાવવધારાને ધ્યાને રાખી વળતર ચૂકવવું, ખેડૂતો નથી તેમના માટે દુષ્કાળ મેન્યુઅલમાં વરસાદની ટકાવારી પ્રમાણે, ગામ માટે પીવાના પાણીની વ્યવસ્થા, ગ્રામજનો માટે પૂરતા અનાજની જોગવાઇ કરવી, પશુઓ માટે ઘાસચારાની વ્યવસ્થા કરવી સહિતના સહાયના કામો તાત્કાલિક અસરથી આથ ધરવા માગ કરી હતી. તેમ નહીં કરાય તો આપ પાર્ટી આંદોલનનો માર્ગ અપનાવશે તેવી ચિમકી આપી હતી.

અન્ય સમાચારો પણ છે...