સમર્થન:8મીએ ભારત બંધના એલાનને કોંગ્રેસનો ટેકો

કૃષિ કાયદાના વિરોધમાં ખેડૂતો દ્વારા હાલ દિલ્હીમાં આંદોલન કરવામાં આવી રહ્યું છે અને સરકાર સાથેની બેઠકો બાદ પણ કોઇ નિકાલ ન આવતા ખેડૂતો દ્વારા આગામી 8 ડિસેમ્બરે ભારત બંધનું એલાન આપ્યું છે. ત્યારે ખેડૂતોના આ એલાનને કોંગ્રેસ દ્વારા ટેકો જાહેર કરવામાં આવ્યો છે. અને બંધમાં ખેડૂતોની સાથે સાથે શહેરી વિસ્તારના વેપારીઓને પણ જોડાવવા આહવાન કરવામાં આવ્યું છે. બીજી તરફ સરકાર દ્વારા ખેડૂતોને મનાવવા માટે સતત બેઠકોનો દોર કરવામાં આવી રહ્યો છે પરંતુ આજ દિવસ સુધીની એક પણ બેઠકમાં ખેડૂતોને કોઇ હકારાત્મક પરિણામ ન મળ્યું નથી.