કાર્યવાહી:કારમાં 5 અને રિક્ષામાં 8 શખ્સ બેસાડતા ફરિયાદ

જોરાવરનગર પીએસઆઇ એન.એચ.કુરેશી સહિતની ટીમ ખેરાળી ચોકડી પાસે પેટ્રોલીંગ કરી રહી હતી. આ સમયે પસાર થતી કારની તપાસ કરતા તેમાં પાંચ શખ્સો બેઠેલા નજરે પડયા હતા. આથી હાલમાં કોરોના વાયરસને અનુલક્ષીને અનલોક-પના ભંગ બદલ કારના ચાલક વઢવાણની સીધ્ધીનગર સોસાયટીમાં રહેતા દર્શન લાલજીભાઇ પરમાર સામે જાહેરનામા ભંગનો ગુનો નોંધાયો હતો. બનાવની વધુ તપાસ બીટ જમાદાર ચીરાગભાઇ મકવાણા ચલાવી રહ્યા છે. જયારે મેકસન સર્કલ પાસે રિક્ષામાં 8 મુસાફરો બેસાડીને જતા ચાલક મુળ ધ્રાંગધ્રા તાલુકાના કડુના હાલ મુળીના ગાૈતમગઢ રહેતા પરાક્રમસિંહ ઘનશ્યામસિંહ રાણા સામે પણ ગુનો નોંધાયો છે. જેની તપાસ બીટ જમાદાર આર.એ.મેટાલીયા ચલાવે છે.