આક્ષેપ:સાયલા કચેરી સામે નાગરિકો ઉપવાસ આંદોલન પર ઉતર્યા

સાયલા તાલુકામાં કાયદો વ્યવસ્થાની પરિસ્થિતી કથળ્યા અને બેફામ ખનીજ ચોરી થતી હોવા અંગે જાગૃત નાગરીકોએ તંત્રમાં રજૂઆત કરી હતી. આમ છતા તંત્ર દ્વારા કોઇ પગલા ન ભરત રોષની લાગણી ફેલાઇ હતી. આથી અધિકારીઓની સાઠગાઢથી કરોડોનો કાળોકારોબાર થતો હોવાના આક્ષેપ સાથે કલેક્ટર કચેરી સામે ઉપવાસ આંદોલન પર ઉતર્યા છે.

સાયલા તાલુકામાં દારૂ, જુગારની બદી, રેતી, પથ્થર, કોલસા જેવા ગેરકાયદેસર ખનન ચાલતા હોય તેવી રાવ ફરિયાદ સાથે અને દારૂનું ધૂમ વેચાણ અને ખાસ કરી સાયલા તાલુકામાં કાયદો વ્યવસ્થાની કથળતી પરિસ્થિતિના મામલે સ્થાનિક જાગૃત લોકો દ્વારા અવાર-નવાર ગૃહવિભાગ અને સહિતના લાગતા-વળગતા અધિકારીઓને લેખિતમાં રજૂઆત કરવામાં આવી હતી. છતાં પણ જિલ્લાના સાયલા તાલુકામાં બેફામ રીતે ગૌચર અને ખાનગી જમીનો ઉપર ભુમાફિયાઓ ખનીજચોરી કરતા હોવાની ફરિયાદ મામલે તંત્રએ કોઈપણ જાતના પગલાં ન ભરતા ભણજીભાઇ ચતુરભાઇ અને જીતેન્દ્રભાઇ પરમાર કલેક્ટર કચેરીસામે ઉપવાસ આંદોલન પર ઉતર્યા છે.