કોરોના અપડેટ:સુરેન્દ્રનગર જિલ્લામાં વધુ 1 કોરોના પોઝિટિવ કેસ સાથે કુલ 3344 કેસ

સુરેન્દ્રનગર જિલ્લામાં હાલ કોરોનાની રફ્તાર ધીમી પડી હોય તેવા એંધાણ વર્તાઇ રહ્યાં છે. છેલ્લા થોડા દિવસોથી કોરોના પોઝિટીવ કેસની સંખ્યા અને મોતમાં પણ ખાસ્સો ઘટાડો જોવા મળી રહ્યો છે. ત્યારે રવિવારે પણ સુરેન્દ્રનગર જિલ્લામાં કોરોનાનો એક માત્ર જ કેસ નોંધાયો હતો. આ કેસ ચોટીલા શહેરી વિસ્તારમાં જોવા મળતા દર્દીને વધુ સારવાર માટે કોવીડ સેન્ટરમાં લઇજવાયા હતા.

જ્યારે રવિવારે જિલ્લાના 15 સંક્રમીત વ્યક્તિઓએ કોરોનાને માત આપતા કોરોના મુક્ત કુલ દર્દીઓનો આંક 3021 એ પહોંચ્યો હતો. રવિવારે પણ સમગ્ર જિલ્લામાં કોરોનાથી એક પણ દર્દીનું મોત ન થતાં કુલ મૃત્યુ આંક 225 એ થયાવત રહ્યો હતો.