તસ્કરી:સુરેન્દ્રનગરમાંથી 3 સોનાની ચેન ચોરાઇ

શહેરના બહુચર રોડ પર આવેલી અશોક સોસાયટીમાં રહેતા 39 વર્ષીય વિશાલ દીપકભાઇ આદેશરા શહેરના વિઠ્ઠલપ્રેસ રોડ પર સ્વામિનારાયણ જવેલર્સ નામની દુકાન ધરાવે છે. તા. 3ના રોજ બપોરે વિશાલભાઇને ઘરે જમવા જવાનું હોવાથી તેઓએ ભાવેશભાઇ બળદેવભાઇ લોલાડીયા અને કાર્તીક રમેશભાઇ સોલંકીને દુકાન સંભાળવાનું કહ્યુ હતુ. ત્યારે દુકાનમાં એક અજાણ્યા માણસે આવીને સોનાના ચેનની ખરીદી કરવી છે તેમ કહી ચેન બતાવવાનું કહ્યુ હતુ. જેમાં ચેન જોતા સમયે સોનાના 3 ચેન કિંમત રૂપિયા 2.08 લાખના લઇને અજાણ્યો શખ્સ બાઇક પર ફરાર થઇ ગયો હતો.