જુગારધામ ઝડપાયું:ઝીંઝુવાડાના રહેણાંક મકાનમાંથી જુગાર રમતા 13 શખ્સો સાડા છ લાખના મુદામાલ સાથે ઝડપાયા

સુરેન્દ્રનગરએક મહિનો પહેલા
  • કૉપી લિંક
ઝીંઝુવાડાના રહેણાંક મકાનમાંથી જુગાર રમતા 13 શખ્સો સાડા છ લાખના મુદામાલ સાથે ઝડપાયા - Divya Bhaskar
ઝીંઝુવાડાના રહેણાંક મકાનમાંથી જુગાર રમતા 13 શખ્સો સાડા છ લાખના મુદામાલ સાથે ઝડપાયા
  • સુરેન્દ્રનગર લોકલ ક્રાઇમ બ્રાન્ચે બાતમીના આધારે જુગાર અંગેનો દરોડો પાડી કાર્યવાહી હાથ ધરી

સુરેન્દ્રનગર લોકલ ક્રાઇમ બ્રાન્ચે બાતમીના આધારે જુગાર અંગેનો દરોડો પાડી કાર્યવાહી હાથ ધરી છે. જેમાં ઝીંઝુવાડાના રહેણાંક મકાનમાંથી જુગાર રમતા 13 શખ્સોને રોકડા, મોબાઇલ નંગ-13, ગાડી અને મોટરસાયકલ મળી કુલ રૂ. 6.53 લાખના મુદામાલ સાથે ઝડપી પાડી વધુ તપાસ હાથ ધરી છે.

સુરેન્દ્રનગર લોકલ ક્રાઇમ બ્રાન્ચના પી.આઇ.-એમ.ડી.ચૌધરી સહિતના પોલિસ સ્ટાફને પાક્કી બાતમી મળી હતી કે, ઝીંઝુવાડાના જીલુભા મેતુભા ઝાલા (ડોક્ટર) તથા ગોવિંદસિંહ અભેસિંહ ઝાલા ( રહે બંને- ઝીંઝુવાડા )વાળાના પોતાના રહેણાંક મકાનમાં મોટા પાયે જુગારધામ ધમધમી રહ્યું છે. જેના આધારે સુરેન્દ્રનગર એલસીબી ટીમે દરોડો પાડી તીનપત્તીનો પૈસાની હારજીતનો જુગાર રમી રમાડી રોકડા રૂ. 86,400, મોબાઇલ નંગ- 13, કિંમત રૂ. 42,500, કાર કિંમત રૂ. 5,00,000 અને મોટરસાયકલ કિંમત રૂ. 25,000 મળી કુલ રૂ. 6,53,900નો મુદામાલ ઝબ્બે કરી તપાસનો ધમધમાટ શરૂ કર્યો હતો.

સુરેન્દ્રનગર લોકલ ક્રાઇમ બ્રાન્ચે આ દરોડામાં ગોવિંદસિંહ અભેસિંહ ઝાલા ( ઝીંઝુવાડા ), અયુબખાન અનવરખાન જતમલેક ( અખીયાણા ), હિંમતભાઇ કાંતિભાઇ દવે ( દલસાણા, વિરમગામ ), ભરતભાઇ વશરામભાઇ શીહોરા ( દલસાણા, વિરમગામ ), બેચરભાઇ બચુભાઇ માનાવાડીયા ( શંખેશ્વર ), વિષ્ણુજી હમીરજી લોલાડીયા ( શંખેશ્વર ), છોટાભાઇ સોમાભાઇ ભારથી ( શંખેશ્વર ), અમજતખાન કરીમખાન જતમલેક ( સવલાસ, પાટડી ), નરેન્દ્રસિંહ ગીરૂભા ઝાલા ( ઝીંઝુવાડા ), નરેશસિંહ કાળુભા ઝાલા ( ઝીંઝુવાડા ), મુળજીભાઇ કલાભાઇ ચાવડા ( શંખેશ્વર ) અને હનુજી ધીરાજી પાનવેચા ( શંખેશ્વર ) પકડાઇ ગયા હતા.

જ્યારે જીલુભા મેતુભા ઝાલા ( ડોક્ટર ) હાજર નહી મળી આવતા કુલ 13 શખ્સો સામે ઝીંઝુવાડા પોલીસ મથકે ફરિયાદ દાખલ કરી આગળની કાર્યવાહી હાથ ધરવામાં આવી છે. સુરેન્દ્રનગર લોકલ ક્રાઇમ બ્રાન્ચના જુગારના આ દરોડામાં પી.આઇ.- એમ.ડી.ચૌધરી, પીએસઆઇ વી.આર.જાડેજા, એન.ડી.ચુડાસમા, દશરથસિંહ હનુભા, નિકુલસિંહ, ભુપેન્દ્રભાઇ, ચમનલાલ, દિલીપભાઇ, અજયસિંહ અને અનિરુદ્ધસિંહ ઝાલા સહિતનો પોલિસ સ્ટાફ સાથે હાજર હતો.

અન્ય સમાચારો પણ છે...