ધરપકડ:રિવરફ્રન્ટ પરથી ચોરીની કાર સાથે 1 શખસને ઝડપી પાડવામાં આવ્યો

સુરેન્દ્રનગર એલસીબી ટીમ શહેર વિસ્તારમાં હોવા દરમિયાન ચોરીની કાર અંગે બાતમી મળી હતી. આથી રિવરફ્રન્ટ રોડ પર વોચ ગોઠવતા શંકાસ્પદ કાર અટકાવી કાગળ મગાયા હતા.પરંતુ કાર ચાલક આપી શક્યો ન હતો આથી ઝડપીપાડી પૂછપરછ કરતા અન્ય 4 સ્થળેથી કાર ચોરી કર્યાનું કબૂલ્યું હતું. આથી 4 કાર કિંમત રૂ.11,50 લાખ જપ્ત કરી સીટી એ ડિવિઝન પોલીસ મથકે ગુનો નોંધાવાયો હતો. એલસીબી પોલીસ ટીમો બનાવી અલગ અલગ વિસ્તારોમાં પેટ્રોલિંગ હાથ ધરાયું હતું.

શહેર વિસ્તારમાં હોવા દરમિયાન આ ટીમને ચોરીની કાર સાથે શખસ હોવાની બાતમી મળી હતી.આથી રિવરફ્રન્ટ રોડ પર વોચ ગોઠવવામાં આવી હતી.તે દરમિયાન નીકળેલી શંકાસ્પદ કારને અટકાવી કારના કાગળો મગાયા હતા. પરંતુ રજૂ ન કરી શકતા સુરેન્દ્રનગર નવા જંક્શન રોડ નાગેશ્વર પાસે મણિયાર નગરના રહીશ રૂષભભાઇ કિરીટભાઇ શાહને ઝડપી પાડવામાં આવ્યા હતા. તેમની વધુ પૂછપરછમાં અન્ય સ્થળોએથી પણ કાર ચોર્યાનું કબૂલ્યું હતું.

જેમાં 5 મહિના પહેલા થાનગઢ ચોકડી પાસેથી, 10 મહિના પહેલા નડિયાદ આરટીઓ પાસેથી આણંદના વિશાલભાઇ પરમારની કાર 5 મહિના પહેલા રાધનપુર દેરાસર પાસેથી, 2 મહિના પહેલા પાટડી કોર્ટપાસેથી એમ 4 કારની ચોરી કર્યાનું કબૂલ્યું હતું. આથી તેમના કબજામાં રહેલી ચાર કારોને સહીત રૂ.11,50 લાખનો મુદામાલ જપ્ત કરી સીટી એડિવિઝન પોલીસ મથકે આરોપી સામે ફરીયાદ નોંધાવાઇ હતી. આ કાર્યવાહીમાં એલસીબી પીઆઇ વી.વી.ત્રીવેદીના માર્ગદર્શનમાં પીએસઆઇ વી.આર.જાડેજા, એએસઆઇ એન.ડી.ચુડાસમા, નીકુલસિંહ સહિત એલસીબી ટીમ જોડાઇ હતી.