આયોજન:દુધઇ વડવાળા મંદિર ખાતે સદગુરુ યાત્રાનું સ્વાગત કરાયું

મૂળીએક મહિનો પહેલા
  • કૉપી લિંક

દુધઇ વડવાળા મંદિરનાં મહંત કચ્છનાં વાગડકાંઠા વિસ્તારમાં પધરામણી કરી નીજ મંદિર પાછા ફરતા કચ્છથી દુધઇ સુધી સદગુરૂ ગૌરવ યાત્રાનું આયોજન કરાયુ હતુ. જેમાં મોટી સંખ્યામાં ભક્તો જોડાયા હતા.અને યાત્રાનું ઠેર ઠેર સ્વાગત કરાયુ હતુ. મૂળી તાલુકાનાં દુધઇ ગામે રબારી સમાજનું આસ્થાનું પ્રતિક એવી વડવાળાદેવની પ્રાચિન જગ્યા આવેલ છે. અને ત્યાં દરરોજ અનેક ભક્તો ઠાકરનાં દર્શન કરી ધન્યતા અનુભવે છે.

ત્યારે દુધઇ વડવાળા મંદિરનાં મહંત રામબાલકદાસજીબાપુ કચ્છનાં વાગડકાંઠા ચોવીસી પરગણામાં ગામે ગામ પધરામણી કર્યા બાદ સોમવારે નિજમંદિર દુધઇ પધારતા હતા. સ્થાનિક ભક્તો દ્વારા ભવ્ય સદગુરૂ ગૌરવયાત્રાનું ભવ્ય આયોજન કરાયુ હતુ.

જેમાં 200થી વધુ કાર જોડાઇ હતી. જે યાત્રા મૂળીનાં દુધઇ પહોંચતા સ્થાનિક અને ભક્તો દ્વારા હરખભેર વધાવી લેવાઇ હતી.આ અંગે વડવાળા મંદિરનાં મહંત રામબાલકદાસજીબાપુએ જણાવ્યું હતુકે પરંપરા મુજબ ધણાસમય બાદ કચ્છમાં ઠાકરની પધારામણી કરાઇ હતી અને ત્યાંથી પરત ફરતા ભક્તો દ્વારા યાત્રા યોજી હતી જેમાં મોટી સંખ્યામાં રબારી સમાજનાં અગ્રણીઓ ઉપસ્થિતિ રહ્યા હતા.

અન્ય સમાચારો પણ છે...