ભાસ્કર ઇમ્પેક્ટ:લખતર નર્મદા કેનાલના ઢાળ પરથી બાવળો દૂર કરાયાં, અહેવાલ બાદ વહીવટી તંત્ર સફાળું જાગ્યું

લખતરના રેલ્વે સ્ટેશન જવાના રોડ ઉપર સૌરાષ્ટ્ર શાખાની નર્મદાની મુખ્ય નહેર પસાર થાય છે. ત્યારે તેના ઢાળવાળા રોડ ઉપર થઈને રેલ્વે સ્ટેશન તેમજ તાલુકાનાં સદાદ, મોઢવાણા ગામે જઈ શકાય છે. પરંતુ આ કેનાલના ઢાળવાળા રોડ ઉપર રોડની બંને બાજુએ બાવળો નું સામ્રાજ્ય હોવાથી રાહદારીઓ તેમજ વાહનચાલકો ભારે મુશ્કેલીનો સામનો કરવો પડતો હોવાનાં અહેવાલ ‘દિવ્યભાસ્કર’ દૈનિકની “સુરેન્દ્રનગર” આવૃત્તિમાં તા.5 નવેમ્બરના રોજ પ્રસિદ્ધ થતા જ તંટ સફાળું જાગ્યું જોવા મળ્યું હતું. અને તંત્રએ આ રોડની બંને બાજુએ તાત્કાલિક અસરથી બાવળ કટિંગની કામગીરી હાથ ધરી બાવળો કપાવી નાંખ્યા હતા. આમ, ફરી એકવાર દિવ્યભાસ્કરે તંત્રને ઘોર નિંદ્રામાંથી બહાર આવ્યું હતું.