કપાસની ખરીદી શરૂ.:લખતર APMCમાં કપાસની ખરીદી શરૂ મણના ભાવ રૂ. 1135થી 1290 બોલાયા

લખતર17 દિવસ પહેલા
  • કૉપી લિંક
લખતર એપીએમસીમાં કપાસની ખરીદી શરૂ. - Divya Bhaskar
લખતર એપીએમસીમાં કપાસની ખરીદી શરૂ.
  • પ્રથમ દિવસે 10થી વધુ ટ્રેક્ટર લઇ ખેડૂતો કપાસ વેચવા આવ્યા

લખતર એપીએમસીખાતે ગુરુવારે કપાસની ખરીદી કરવાનું કામકાજ શરૂ થયું હતું. આથી ખેડૂતોમાં હર્ષની લાગણી ફેલાતા પ્રથમ દિવસે 10થી વધુ ટ્રેક્ટર ભરી વેચાણ કરવા આવ્યા હતા. જ્યારે મણના રૂ.1135થી રૂ.1290 બોલાયા હતા. આમ જણસના ભાવ પૂરા મળે તેવા આશયથી ચેરમેન દ્વારા કરવામાં આવેલ આ કાર્યની ખેડૂતોએ પ્રસંશા કરી હતી.

લખતર ખેતીવાડી ઉતપન્ન બજાર સમિતિના ચેરમેન હિતેન્દ્રસિંહ ઝાલાએ વેપારીઓ સાથે વાતચીત કરી કરણસિંહજી માર્કેટ યાર્ડ ખાતે ખેડૂતોની જણસની ખરીદી થાય તો ખેડૂતોને તેમના માલના પૂરા ભાવ મળી રહે તે માટે ખેડૂતોને તેમની નીપજ યાર્ડમાં લાવી વેચવા માટે હાકલ કરવામાં આવી હતી.

ત્યારે ગુરુવારના રોજ એપીએમસી ખાતે કપાસની ખરીદી શરૂ કરવામાં આવી હતી. તેને ખેડૂતોએ વધાવી લઈ બપોરે અઢી વાગ્યે ખેડૂતો જે 10થી વધુ ટ્રેક્ટર લઇ કપાસ લઈ આવ્યા હતા. તેની હરાજી શરૂ કરવામાં આવતા રૂ.1135થી શરૂ થઈ રૂ.1290 સુધીના ભાવે કપાસની ખરીદી વેપારીઓ દ્વારા કરવામાં આવી હતી. આ અંગે એપીએમસીના ચેરમેન હિતેન્દ્રસિંહે જણાવ્યું કે લખતર માર્કેટ યાર્ડમાં ખેડૂતોના માલની હરાજી રોજ બપોરના બે વાગ્યાથી ચાર વાગ્યા સુધીમાં થશે.

અન્ય સમાચારો પણ છે...