બેઠક:બુથ ચકાસણી, ચેકલીસ્ટની કામગીરી પૂર્ણ કરવા સૂચના

લખતર મામલતદાર કચેરીએ જિલ્લા પ્રાથમિક શિક્ષણાધિકારીના અધ્યક્ષસ્થાને તાલુકા ચૂંટણી માટે નિમણુંક થયેલા ઝોનલ ઓફિસરોની બેઠક યોજાઇ હતી. જેમાં તેઓએ ચૂંટણી લક્ષી કામગીરી અંગે સુચનો અને માહિતી અપાઇ હતી. જિલ્લા સ્થાનિક સ્વરાજની ચૂંટણીઓને લઇ તંત્ર એ પણ કામગીરીનો ધમધમાટ હાથ ધર્યો છે.

ત્યારે લખતર તાલુકા મામલતદાર કચેરીમાં જિલ્લા પ્રાથમિક શિક્ષણાધિકારી અને લખતર તથા વિઠલગઢ જિલ્લા પંચાયત બેઠકનાં આર.ઓ. મીતાબેન ગઢવીના અધ્યક્ષસ્થાને તાલુકા પંચાયતની 16 સિટનાં 9 ઝોનલ ઓફિસરોની બેઠક યોજાઇ હતી. જેમાં બુથ ચકાસણી, અન્ય જરૂરી ચેકલિસ્ટ મુજબ તપાસણી સહિતની ચૂંટણીલક્ષી કામગીરીઓ અંગે સુચનો અપાયા હતાં. મામાલતદાર ડો.પલક ત્રિવેદીએ જણાવ્યુ કે, બુથચકાસણી, ચેકલીસ્ટ જેવી ચૂંટણીલક્ષી કામગીરી આગામી મીટીંગ સુધીમાં પુર્ણ કરી દેવી. બેઠકમાં તાલુકા વિકાસ અધિકારી વાય.એમ. રાવલ, નાયબ મામલતદાર(ચૂંટણી) અર્ચનાબેન સહિતના ઉપસ્થિત રહ્યા હતા.