તસ્કરી:માલવણ હાઇવેથી પ્લાસ્ટિકના દાણાની 50 થેલી ચોરાઈ

માલવણ ચોકડીથી વાયા વણા થઈ સુરેન્દ્રનગર સી.યુ.શાહ મેડિકલ કોલેજ હોસ્પિટલ સુધીમાં અજાણ્યા શખ્સોએ ચાલુ ટ્રકમાંથી તાડપત્રી કાપી પ્લાસ્ટિકના દાણાની થેલીઓ ચોરી હોવાની ફરિયાદ લખતર પોલીસ મથકે નોંધાઇ છે. રાજસ્થાનના શોભારામ સારંન (જાટ)ની ફરિયાદ અનુસાર તેઓ ટ્રક લઈ તેમાં પીપી પ્લાસ્ટીકનાં દાણા ભરેલી થેલીઓ લઈ નીકળેલ. ત્યારે માલવણ ચોકડીથી વાયા વણા થી સુરેન્દ્રનગર સી.યુ.શાહ મેડિકલ કોલેજ અને હોસ્પિટલ સુધીમાં ચાલુ ટ્રકમાંથી અજાણ્યા ઈસમે ટ્રક ઉપર ચડી ટ્રકની તાડપત્રી કાપી પ્લાસ્ટીકનાં દાણા ની ૫૦ થેલીઓ જેની કિં.રૂ.૯૦,૦૦૦/- થાય છે તેની ચોરી કરેલ હોવાનું ફરિયાદમાં જણાવ્યું છે.