તસ્કરી:કંકાવટી ગામના વૃધ્ધને કારમાં બેસાડી 70 હજાર લુંટી લીધા

ધ્રાંગધ્રા તાલુકા કંકાવટી ગામે રેહતા વૃદ્ધ શહેરના હળવદ રોડ પર હળવદની બસમાંથી ઉતરી દવાખાને જતા હતા. તે દરમિયાન વૃદ્ધ પાસે ઈકો કારમાં સવાર ત્રણ શખ્સો આવી દવાખાને જવુ હોય તો અમે ત્યાં જાય છીએ તેમ કહી બેસાડી લીધા હતા. ત્યારબાદ વૃદ્ધ પાસેના 70 હજાર લઈને વૃદ્ધને રસ્તામાં ઉતારી ભાગી ગયા હતા. ધ્રાંગધ્રાના કંકાવટી ગામે રહેતા 70 વર્ષીય કાનજીભાઈ લવજીભાઈ દલવાડી હળવદથી ધાંગધ્રા આવવાની બસમાં બેઠા હતા. ત્યારે ધાંગધ્રા હળવદ રોડ બ્રીજ પાસે જડેશ્વર બસ સ્ટેન્ડ પાસે ઉતરીને પુનિતનગર વિસ્તારમાં બિહારીના દવાખાને જવા નીકળ્યા હતા.

ત્યારે તેમની પાસે એક ઇક્કો કરાવી વૃદ્ધને ક્યાં જવું છે. એમ પુછતા તેમણે કીધું કે બિહારીના દવાખાને જવું છે. ત્યારે કાર ચાલકે જણાવ્યું કે અમે પણ ત્યાં જાય છીએ બેસી જાવ તમને ઉતારી દેશુ આથી કાનજીભાઈ દલવાડીને બેસાડી અંદર બેઠેલા ત્રણ શખ્શોએ વૃદ્ધ પાસે રહેલા 70 હજાર રૂપિયા લુટી લીધા હતા. અને વૃધ્ધને રસ્તામાં ઉતારી પલાયન થઈ ગયા હતા. આ બનાવ અંગે ધ્રાંગધ્રા સીટી પોલીસને જાણ કરતા પીએસઆઇ ખરાડી સહિત સ્ટાફ ઘટના સ્થળે આવ્યા હતા. અને આસપાસના સીસીટીવીના ફૂટેજની તપાસ હાથ ધરી ઇકો કાર ચાલકને ઝડપી પાડવાના ચક્રો ગતિમાન કર્યા હતા.