કોરાના:નાવા ગામની સ્કૂલમાં 33 વિદ્યાર્થિની સહિત 41ને કોરાના

ચોટીલા પંથકમાં સોમવારે કોરોનાએ કહેર વર્તાવતા એક સાથે 52 પોઝિટિવ કેસો નોંધાયા હતા. જેમાં કે.જી.બી.વીમાં 41 પોઝિટિવ કેસ આવતા તંત્રમાં દોડધામ મચી જવા પામી હતી. ચોટીલા પંથકમાં કોરોના ન બીજી લહેર કહેર વર્તાવી રહી છે. જેમાં સોમવારના રોજ નવા 52 પોઝિટિવ કેસ સામે આવતા તંત્રમાં દોડધામ મચી જવા પામી હતી.

આ કેસોમાં 41 કેસ શિક્ષણ વિભાગની કાર્યરત કસ્તુરબા ગાંધી બાલિકા વિદ્યાલય મોડેલ સ્કૂલ નાવા ગામ ખાતે આવ્યા છે. આ સંસ્થામાં 70 જેટલી વિદ્યાર્થિનીઓ ત્યાં રહીને અભ્યાસ કરે છે. જે પૈકી 38 વિધ્યાર્થીનીઓ 1 વોર્ડ આયા, 2 અન્ય બહેનો મળી 41 પોઝિટિવ કેસો બહાર આવ્યા છે, તેમજ અન્ય મળી 52 કેસ નોંધાયા છે.આમ મોડેલ સ્કૂલમાં એક સાથે કોરોના કેસ રાફડો ફાટતા કોની બેદરકારી તે સવાલ ઉઠ્યા છે. જ્યારે એક સાથે આટલા બધા કેસ આવતા જિલ્લા અને તાલુકાનાં અધિકારીઓ સ્થળ ઉપર દોડી ગયા હતા.

જ્યારે એક સાથે આટલી વિદ્યાર્થિનીઓ પોઝિટિવ આવતા તેઓને અલગ ક્વોરોન્ટાઇન કરવાને બદલે ઘરે વાલીઓને તેડી જવાનું સૂચન મળતા કચવાટ જોવા મળ્યો હતો. ત્યારે ક્યાંક કાચુ કપાયુ હોવાનો ગણગણાટ ઉઠયો છે. કોરોના પોઝીટીવ કેસને લઇ તંત્ર દ્વારા આખી બિલ્ડિંગને સેનિટાઇઝ કરવામાં આવી હતી. ત્યારે સ્થાનિક આરોગ્ય વિભાગનાં તાલુકા હેલ્થ સુપરવાઈઝર પણ કોરોનાગ્રસ્ત બન્યાના અહેવાલ છે.