અકસ્માત:વીરપુર પાસે હાઇવે પર સુમો પલટી મારી જતાં ચાલકનું મોત, સુમો ઝાડ બાદ વીજપોલ સાથે અથડાયા બાદ પલટી ગઇ

વ્યારા નગર નજીક પસાર થતા હાઇવે પર ગત રોજ પુરપાટ ઝડપે જતી એક ટાટા સુમો ના ચાલકે સ્ટેરીંગ પર કાબૂ ગુમાવી દેતા અકસ્માત સુમો ગાડી માર્ગ નજીક ઝાડ સાથે અને વીજ પોલ સાથે અથડાઈ હતી, જે અકસ્માત ગાડી ચાલકને ગંભીર ઇજા પહોંચતા મોત નીપજ્યું હતું. મળતી માહિતી અનુસાર લોકડાઉનમાં વ્યારાના વીરપુર ગામની સીમમાંથી પસાર થતો નેશનલ હાઇવે માર્ગ નંબર 53 પર ગત રોજ સાંજના સુમારે પુરપાટ ઝડપે દોડતી એક ટાટા સુમો નંબર GJ-06-AX-8013 ના ચાલકે સ્ટિયરિંગ પરથી કાબૂ ગુમાવતા ટાટા સુમો ઉછળી માર્ગ નજીકના  એક ઝાડ સાથે અથડાયા બાદ ચાલુ વીજલાઈનના થાંભલા સાથે અથડાઈને પલટી થઈ હતી. જેના કારણે વીજપુરવઠો પણ ખોરવાઈ ગયો હતો. ઘટનાની જાણ થતા પોલીસનો કાફલો ઘટના સ્થળ પર દોડી આવ્યો હતો. ગાડીમાં તપાસ કરતા ટાટા સુમો ચાલક ઘનશ્યામભાઈ પ્રદીપભાઈ સાવળે (ઉ.વ.35) રહે,વીઆઈપી રોડ,વડોદરાને માથાના ભાગે ગંભીર ઈજા પહોંચવાના કારણે ઘટના સ્થળ પર જ મોત નીપજ્યું હતું. બનાવ અંગે કિરણભાઈ પ્રદીપભાઈ સાવળે રહે,વડોદરાની ફરિયાદને આધારે વ્યારા પોલીસ મથકમાં ફરિયાદ નોંધાવી હતી.