ગૌરવ:પંડવાઈ અને કાંઠા સુગરના વિજેતાનું સન્માન

તાજેતરમાં પંડવાઈ સુગરની ચુંટણીમાં વિજેતા બનેલા ડો. નટવરસિંહ આડમાર અને ઓલપાડ કાંઠા સુગરની ચૂંટણીમાં વિજેતા બનેલા ફારૂકભાઇ ઝીણાનું તાલુકા કોંગ્રેસ સમિતિના આગેવાનોએ સન્માન કર્યું હતું. માંગરોળ તાલુકાના બંને કોંગ્રેસ પક્ષના આગેવાનોનો તાજેતરમાં સુગરની ચૂંટણીમાં ભવ્ય વિજય થયો હતો. જેથી તાલુકા કોંગ્રેસ સમિતિના પ્રમુખ શામજીભાઇ ચૌધરી, માજી ધારાસભ્ય રમણભાઈ ચૌધરી, બાબુભાઈ ચૌધરી, રૂપસિંગ ગામીત, મહામંત્રી શાહબુદ્દીનભાઈ મલેક, કોંગ્રેસ લઘુમતી સેલના પ્રમુખ સોહેબ કોલી, વલીભાઈ પહાડજી વગેરે વિજેતાઓનું હારતોરા કરી સન્માન કર્યું હતું.