સંવાદ:ચારણી ગામે કૃષિ બિલ બાબતે કોંગ્રેસનો ખેડૂતોની સાથે સંવાદ

ઉમરપાડા તાલુકાના ચારણી ગામે કેન્દ્ર સરકારના કૃષિ બિલના વિરોધમાં તાલુકા કોંગ્રેસ સમિતિના પ્રમુખ હરીશભાઇ વસાવા ના નેજા હેઠળ ખેડૂત સંવાદ યોજાતા ખેડૂતોએ પોતાની મુશ્કેલી જણાવી હતી.ગુજરાત પ્રદેશ કોંગ્રેસ સમિતિની સુચના અનુસાર ચાલો ખેતરે કાર્યક્રમ હેઠળ ઉમરપાડા કોંગ્રેસના આગેવાનોએ કેવડી વિસ્તારના ગામડાઓમા ખેડૂત ભાઈઓને મળી તેમના ખેતર અને તેમની હાલત વિશે વાતચીત કરી ખેડૂતે પોતાની આપત્તિ જણાવતા આગેવાનો ચોંકી ઊઠયા હતા તેમણે જણાવ્યું કે ખેતી આજે ખર્ચાળ બની ગઈ છે. બિયારણ મોંઘું છે કામના બદલામાં જેટલું વળતર મળવું જોઈએ તે તેટલું મળતું નથી,

દેશનો તાત ખેડૂત પર મોટી આફત આવી પડી છે વીજળી સમયસર મળતી નથી પિયત માટે ની કોઈ સુવિધા નથી આકાશી વરસાદ પર આધાર રાખવો પડે છે કેન્દ્ર સરકારના ખેડૂત વિરોધ કાયદાથી ખેડૂત બરબાદ થવાનો છે પોષણ ક્ષમ ભાવ મળવાના નથી ટેકાના ભાવ મળવાના નથી મલ્ટીનેશનલ કંપની ને લાભ થવાનો છે અમારી ખેડૂતોને માગણી છે કે આ ત્રણ કાયદા પરત ખેંચાઈ એવી વિનંતી છે. આ પ્રસંગે ઉમરપાડા કોંગ્રેસ સમિતિ પ્રમુખ હરીશ વસાવા, નટુ વસાવા, શંકર વસાવા, અશોક વસાવા, ભુપેન્દ્ર વસાવા, હિતેશ પટેલ વગેરે હાજર રહી ખેડૂતો સાથે સંવાદ કરી એમની મુશ્કેલીઓ જાણી હતી.