દુખદ:દૂધના ટેન્કરે અડફેટે લેતાં યુવકનું સ્થળ પર જ મોત, તાંતીથૈયા ગામે હાઇવે પર અકસ્માત

તાંતીથૈયા ગામે રહેતો યુવાન સવારે મોપેડ લઈ જોળવા ખાતે મિલમાં કામે જઈ રહ્યો હતો. યુવાનના મોપેડને દૂધના ટેન્કરે પાછળથી અડફેટે લેતા યુવાન ટેન્કરના આગળના વ્હિલમાં કચડાઈ જતા મોતને ભેટ્યો હતો. મૂળ બિહારના ગોપાલગંજ જિલ્લાના અને હાલ તાંતીથૈયા ખાતે આવેલ અક્ષર પેલેસના મકાન નંબર 104માં રહેતા કૃષ્ણકુમાર કેશવકિશોર શ્રીવાસ્તવ નાઓ જોળવા ખાતે આવેલ ધનુધર મિલમાં નોકરી કરતા હતા. સોમવારના રોજ 9 વાગ્યાના અરસામાં તેઓ રોજ મુજબ પોતાનુ મોપેડ સુઝુકી એક્સેસ (GJ 19 BC 6989) લઈ જોળવા ખાતે જઈ રહ્યા હતા.

તાંતીથૈયા ખાતેના સહયોગ હોટલની સામે સુરતથી બારડોલી તરફની બાજુુુએ જતી વખતે કડોદરા તરફથી પુર ઝડપે આવતી સુમુુુલ દૂધનુંં ટેન્કર (GJ 06 AU 8338) એ મોપેડને ટેન્કરના આગળના વિહલમાં અડફતે લેતા મોપેડ ચાલક કૃષ્ણકુમારને માથાના ભાગે ગંભીર ઈજાઓ થતા ઘટના સ્થળ પર કમકમાટી ભર્યું મોત નીપજ્યું હતું. ટેન્કર ચાલક અકસ્માત સર્જી ટેન્કર સ્થળ પર મૂકી ભાગી છૂટ્યો હતો. ઘટના અંગે કૃષ્ણ કુમારના સાળા રજનીશ કુમારે કડોદરા જી.આઇ.ડી.સી.પોલિસ મથકમાં ટેન્કર ચાલક વિરૂદ્ધ ફરિયાદ આપી હતી.