ધ બર્નિંગ આઈસર:સળગતો ટેમ્પો દોડાવી ડ્રાઈવર નજીકના સર્વિસ સ્ટેશને લઈ ગયો ને આગ બુઝાવી

રવિવારે વહેલી સવારે મળસ્કે 4 વાગ્યાના અરસામાં એક આઇસર નંબર DN 09 U 9622 ના ચાલક ટેમ્પામાં ગ્રે કાપડના પાર્સલ ભરી મુંબઈ થી અમદાવાદ તરફ ને.હા.48 પરથી પસાર થઈ રહ્યો હતો. આ દરમિયાન કડોદરા પાસેથી પસાર થતી વેળાએ એકાએક ટેમ્પના કેબિનના ભાગે આગ ભભૂકી ઉઠી હતી. જેથી ડ્રાઇવરે સતર્કતા દાખવી સળગતા ટેમ્પાને નજીકના સર્વિસ સ્ટેશન સુધી લઇ ગયો હતો.

જ્યા સર્વિસ સ્ટેશનના કામદારોને ઉઠાડી આગને કાબુમાં લેવાનો પ્રયત્ન કર્યો હતો જે બાદ ફાયર વિભાગને જાણ કરતા પલસાણા PEPL ની ફાયરના ફાયર ફાઈટરોએ આગને કાબુમાં લઈ મોટુ નુકશાન ટાળ્યું હતું હોકે આઇસર ટેમ્પના આગળનું કેબીનનો ભાગ તેમજ પાછળ મૂકેલું ગ્રે કાપડના પાર્સલ ઓછાવત્તા પ્રમાણ માં બળી ગયા હતા.