કાર્યવાહી:થર્ટી ફસ્ટની ઉજવણી માટે મગાવેલો 30 પેટી દારૂ પકડાયો

કડોદરા નવનિયુક્ત પી.આઈ.ને મળેલી બાતમી આધારે રેડ કરતા 31 ડિસેમ્બર માટે મંગાવી રાખેલો અંદાજિત 30 પેટીથી વધુનો દારૂ ઝડપી પાડ્યો હતો. કડોદરા જી.આઇ.ડી.સી પોલિસ મથકના પી.આઈ.આનંદ બ્રહ્મભટ્ટને ગત રવિવારના રોજ અંગત રાહે બાતમી મળી હતી કે” કરાળા ગામના હદમાં આવેલી ખુમાનસિંહ વાડીમાં રહેતા વિરલકુમાર જીતુભાઇ ઉર્ફે જીતુભાઇ કોળી પટેલએ તેનોના રહેઠાણના આસપાસ મકાનોમાં મોટી સંખ્યામાં દારૂ સંતાડી રાખી વેચાણ માટે લાવેલ છે. જે બાતમી આધારે કડોદરા પોલીસે ટિમ બનાવી રેડ કરતા કરાળા ગામે ખુમાનસિંહની વાડીના વિવિધ મકાનોમાંથી વિવિધ બ્રાન્ડનો વિદેશી દારૂની 30પેટીઓ મળી આવી હતી. કડોદરા પોલીસે સ્થળ પરથી દારૂની 1248 નંગ બોટલ 1 લાખ 44 હજારનો મુદ્દામાલ કબ્જે કરી વિરલકુમાર પટેલ વિરૂદ્ધ કાર્યવાહી હાથધરી હતી.