કબૂલાત:ચલથાણથી મોબાઈલ ચોર ઝડપાયા, બે રાહદારીના મોબાઇલ સ્નેચ કર્યાની કબૂલાત કરી

કડોદરા પોલિસે બાતમી આધારે ચલથાણ બસ સ્ટેન્ડ નજીકથી બે યુવાનોને મોટરસાઇકલ સહિત ત્રણ જુદાજુદા મોબાઈલ સાથે ઝડપી પૂછપરછ કરતા બંને યુવાનોએ થોડા દિવસ અગાઉ પલસાણાથી રસ્તે પગપાળા જતા રાહદારીઓ પાસેથી બે મોબાઈલ ખેંચ્યા હોવાનું કબુલ્યું હતું કડોદરા જી.આઈ.ડી.સી.પોલીસ મથકમાં ફરજ બજાવતા આ.હે.કો દિપકભાઈ શકરભાઈ નાઓને અંગત રાહે બાતમી મળી હતી કે ચલથાણ ખાતે મેઈન બજારમાં આવેલ બસ સ્ટેન્ડ નજીક બે યુવાનો બજાજ ડિસ્કવર ગાડી લઈને ઉભા છે, જેઓ પાસે ચોરીના મોબાઈલ હોવાની શંકા છે.

જે બાતમી આધારે પોલીસ ટીમે વોચ ગોઠવી તપાસ કરતા બે યુવાનો (1)સાહિલ સંજયભાઈ સિંહ ( 20) ( યોગેશ્વર નગર ચલથાણ) તેમજ (2) રોહિત ઉર્ફે જીતુભાઇ આહિરે (19) (205 , યોગી કોમ્પ્લેક્ષ, સાંકી ગામ તા.પલસાણા)ને બાઇક (GJ 19 S 2035) સાથે ઝડપી પાડી પૂછપરછ કરતા તેઓએ ફોન અંગે અયોગ્ય જવાબ આપતા બને વિરુદ્ધ પોલિસ કાર્યવાહી હાથધરી મોબાઈલ અને બાઇક મળી 67,700નો મુદ્દામાલ કબ્જે કર્યો હતો.

આરોપીઓએ કરેલી કબૂલાત
ઝડપાયેલા બંને આરોપીએ ગત ફેબ્રુઆરી મહિનામાં પલસાણા વિસ્તારમાં આવેલ કાલાગોળા નજીકથી રસ્તે જતા રાહદારી પાસે રેડ અને બ્લેક કલરનો વિવો મોબાઈલ ઝૂંટવી બજાજ પલ્સર મોટરસાઇકલ પર ભાવી છૂટ્યા હતા. તેમજ તેના બે દિવસ બાદ આજ રીતે વધુ એક રાહદારી પાસેથી કિપેડ વાળો મોબાઈલ ઝૂંટવી ભાગી છૂટ્યા હોવાનું કબુલ્યું હતું.