ક્રાઇમ:ઉમરામાં અદાવતમાં ફરિયાદી પર કાર ચઢાવી મારી નાખવાની ધમકી

ઉમરા ગામે સાઈ આંગનમાં રહેતો ઇસમ કાર લઈને જોરથી હોર્ન મારી લોકોને હેરાન કરવાની વાતે સોસાયટીના રહીશે પોલીસમાં અરજી આપતા અદાવત રાખી ફરિયાદી પર કાર ચઢાવી જાનથી મારી નાખવા અને સોસાયટીના રહીશોને છેડતીના ખોટા કેસમાં ફસાવવા ધમકી આપવાની વાતે પોલીસે ગુનો નોધાયો હતો. ઉમરામાં આવેલી સાઈ આંગન સોસાયટીમાં રહેતા ગોરધનભાઈ નાકરાણી (82એ 9 ફેબ્રુઆરીએ પૌત્રને શુભવિલા સોસાયટી ખાતે ટ્યુશનમાં પરત લેવા જતાં તેમની સોસાયટીમાં રહેતો અરવિંદ માલવિયા શુભવિલા સોસાયટીના ગેટ પાસે કાર લઈને આવી અચાનક ગાળો બોલવા સાથે ધમકી આપતા કહેલું કે “મારી પાસે કાર છે તે હું તને ઠોકી નાખીશ” અને અત્યારે હું સાયણ જાવ છું હિંમત હોય તો આવી જજે. તેમ કહી મારી નાખવાની ધમકી આપી હતી.

આ સાથે કહેલ કે તમે સોસાયટીના માણસો બહુ ફાટી ગયેલા છો તેમ જણાવી રહીશોને છેડતીના ખોટા કેસમાં ફસાવી દેવાની ધમકી આપી હતી. અરવિંદ માલવિયા હોર્ન વગાડી રહીશોને પરેશાન કરતો હોવાથી આ બાબતે ગોરધનભાઈ નાકરાણીએ પોલીસમાં અરજી આપતા અદાવત રાખી અરવિંદે કાર ચઢાવી જાનથી મારી નાખવાની અને લોકોને છેડતીના કેસમાં ફસાવી દેવાની ધમકી આપવાની વાતે પોલીસે ગુનો નોંધ્યો હતો.