કાર્યવાહી:સાયણમાં દારૂ સાથે મહિલા ઝડપાઈ, મહિલા સહિત બે વોન્ટેડ

સ્પેશિયલ ઓપરેશન ગ્રુપ સુરતે મળેલી બાતમી મુજબ સાયણના મહાદેવનગર ખાતે મહિલાએ ઘરમાં દારૂ સંતાડેલો હોઈ પોલીસે રેડ કરતા રસોડામાં સંતાડેલો દારૂ મળી આવ્યો હતો. મહિલાની અટક કરવા સાથે દારૂ મંગાવનાર મહિલા બુટલેગર સાથે તેને મદદગારી કરનારને વોન્ટેડ જાહેર કરી કાર્યવાહી કરી હતી.

સાયણ મહાદેવનગરમાં મહિલાએ દારૂ મંગાવી ઘરમાં છુપાવ્યો હોવાની ઓપરેશન ગ્રુપ સુરતને મળેલી બાતમીના આધારે રેડ કરતા સોનલબેન ચૌહાણએ માળીયામાં દારૂ મળી આવતા પોલીસે 268 નંગ બોટલ કિંમત 67,100 કબજે લેવા સાથે દારૂ ક્યાંથી અને કોની પાસે લાવેલા તે બાબતે પૂછતા સોનલબેન ફતેહસિંહ ચૌહાણએ ગીતા પટેલના ઘરમાં ભાડે રહેતી હોય. ઘર માલિક ગીતા પટેલે દારૂ લાવી સોનલના ઘરમાં સંતાડેલો હોવાનું જણાવ્યું હતુ. મોપેડ પર ગીતા દારૂ લઈને આવતા સોનલના પતિ ફતેહસિંહ રામસિંહ ચૌહાણએ દારૂ સંતાડવામાં મદદગારી કરતા પોલીસે ગીતા પટેલ અને ફતેહસિંહ ચૌહાણને વોન્ટેડ જાહેર કર્યા હતા.