વ્યવસ્થાપક કમિટીની ચૂંટણી:કામરેજ સુગર વ્યવસ્થાપક કમિટીની ચૂંટણી 18 બેઠકો પર કુલ 90 ઉમેદવારીપત્રો ભરાયા, દરેક બેઠક પર ત્રિપાંખિયા જંગ જેવી પ્રારંભીક સ્થતિ, અંતિમ ચિત્ર 9મીએ સ્પષ્ટ થશે

કામરેજ વિભાગ સહકારી ખાંડ ઉદ્યોગ મંડળી લી ની વ્યવસ્થાપક કમિટીની ચુંટણી જાહેર થયા બાદ ઉમેદવારી પત્રક ભરવાની પક્રિયા હાથ ધરાતા બીજા દિવસની પક્રિયાને અંતે 18 બેઠક પર 90 ઉમેદવારી પત્રકો ભરાતા ખરાખરી નો ચૂંટણી જંગ થવાના અણસાર આવી રહ્યા છે જો કે આગામી 9 તારીખે ઉમેદવારોનું સાચું ચિત્ર બહાર આવશે. સુરત જિલ્લાના સહકારી રાજકારણની માં સૌની નજર કામરેજ સુગરની વ્યવસ્થાપક કમિટીની ચૂંટણી પર છે. કામરેજ સુગર ચૂંટણીનું જાહેરનામું પ્રસિદ્ધ થતાની સાથે સહકારી રાજકારણ ગરમાયુ છે. ચૂંટણી જંગમાં ઉતરનાર ઉમેદવારોના ઉમેદવારી પત્રક ભરવાની પક્રિયા હાથ ધરાતા પ્રથમ દિવસે 70 ઉમેદવારી પત્રકો ભરાયા જયારે ઉમેદવારી પત્રક ભરવાના અંતિમ દિવસે કુલ 18 બેઠક માટે ઘલા બેઠક પર 7, કઠોર-4, વાવ-3, કામરેજ-4, દિગસ-4, જોખા-4, ઓલપાડ-6, સાંધીએર-4, કુડસદ-5, એરથાણ-6, બૌધાન-7, લીંબાડા-7, પીપોદરા-6, મોટાવરાછા-7, અનુ.જાતિ જન

જાતિ-6, નાના સીમાંત-3, મહિલા અનામત ૧-5, મહિલા અનામત ૨ પર 2 મળી કુલ 90 ઉમેદવારી પત્રકો ભરાયા છે. ઉમેદવારી પત્રક ભરવાના અંતિમ દિવસે 18 બેઠકો માટે તમામ બેઠક પર બે થી વધુ ઉમેદવારી પત્રકો ભરાયા હોય પ્રાથમિક તબક્કે તમામ ઝોનમાં ત્રિપાંખિયા જંગ થવાના અણસાર છે. જયારે ચૂંટણી માં સામાજિક અને રાજકીય ચોકઠાં બેસાડવા સાથે તોડ જોડ માટે બેઠકોનો દોર ચાલી રહ્યો હોય જેથી કેટલીક બેઠકોમાં મિટિંગ સફળ રહેતો તે બેઠકો બિન હરીફ થવાની પણ શક્યતાઓ છે. જયારે હાલ પૂર્ણ થયેલ ટર્મના માજી ચેરમેન જયેશ પટેલ અને હાલની ચૂંટણી માં સૌની નજર જેના પર છે એવા અશ્વિનભાઈ પટેલની બેઠક પર પણ પ્રતિસ્પર્ધીઓએ ઉમેદવારી કરી હોય જેનાથી ચૂંટણી જંગ થવાનું નક્કી છે.