અકસ્માત:ખટોદરામાં ‌BRTS પાસે બાઈક અડફેટે યુવકનું મોત

BRSTના કોન્ટ્રાક્ટ સફાઈ કર્મચારીને બાઈક ચાલકે અડફેટમાં લેતા મોત નિપજ્યું હતું. ખટોદરા GIDC બસ સ્ટેન્ડ પાસેથી પગપાળા પસાર થતી વખતે અકસ્માત સર્જાયો હતો. સોશિયલ સર્કલ યુનિક હોસ્પિટલની સામે BRST બસ સ્ટેન્ડમાં રહેતો મેહુલ નાયક(35) બીઆરટીએસમાં કોન્ટ્રાક્ટ હેઠળ સફાઈનું કામ કરતો હતો.

શુક્રવારે રાત્રે મેહુલ કેનાલ રોડ પર ખટોદરા બીઆરટીએસ પાસેથી પગપાળા પસાર થતો હતો. ત્યારે પુરપાટ ઝડપે પસાર થતા એક બાઈક ચાલકે અડફેટમાં લેતા મેહુલને ગંભીર ઈજા થઈ હતી. જેથી તેને તાત્કાલિક સારવાર માટે સિવિલ હોસ્પિટલમાં ખસેડાયો હતો. જ્યાં ટુકી સારવાર બાદ તેનું મોત નિપજ્યું હતું. બનાવ અંગે ખટોદરા પોલીસે ગુનો નોંધી વધુ તપાસ હાથ ધરી છે.