• Gujarati News
  • Local
  • Gujarat
  • Surat
  • Women Who Have Not Received Water For 4 Days In New Magadalla Rioted At Vesu Water Distribution Station Early In The Morning.

પાણી મુદ્દે કમઠાણ:નવા મગદલ્લામાં 4 દિવસથી પાણી ન મળતા મહિલાઓએ વહેલી સવારે વેસુ જળવિતરણ મથકે હોબાળો મચાવ્યો

સુરત21 દિવસ પહેલા
  • કૉપી લિંક
પીવા અને વપરાશ માટે પાણી ન મળતાં કપરી સ્થિતિ થઈ હોવાનું મહિલાઓ જણાવી રહી છે. - Divya Bhaskar
પીવા અને વપરાશ માટે પાણી ન મળતાં કપરી સ્થિતિ થઈ હોવાનું મહિલાઓ જણાવી રહી છે.
  • ભવાની મોહલ્લામાં પાણી ન આવતા વારંવાર રજૂઆત કરવા છતા નિવેડો ન આવતા ઉગ્ર રજૂઆત

સુરત શહેરના અલગ-અલગ વિસ્તારોમાં પાણી લઈને બુમરાણ વધી રહી છે. છેલ્લા ચાર દિવસથી નવા મગદલ્લા ભવાની મોહલ્લામાં પાણી ન આવતા વારંવાર અધિકારીઓને ફોન કરવા છતાં તેમજ કોર્પોરેટરોને પણ સંપર્ક કરવાનો પ્રયાસ કર્યો છતાં પણ કોઈ તેમની મદદ ન આવતા આખરે તેઓ સુજલ વિતરણ મથકની ઓફિસે પહોંચીને હોબાળો મચાવ્યો હતો. વહેલી સવારે જ નવા મગદલ્લા વિસ્તારની મહિલાઓ વેસુ જળ વિતરણ ખાતે પહોંચીને ઉગ્ર રીતે રજૂઆત કરી હતી. આ સમસ્યા છેલ્લા ત્રણથી ચાર વર્ષથી લોકો ભોગવી રહ્યા છે. છતાં પણ સુરત શહેરના શાસકો અને અધિકારીઓ આંખ આડા કાન કરી રહ્યા છે. જેને કારણે મહિલાઓની મુશ્કેલી વધી રહી છે.

પાણી માટે વલખાં
સુરત જેવા સ્માર્ટ સિટીમાં કરોડો રૂપિયાનો લોકો વિરોધ કરી રહ્યા છે. પરંતુ એની સામે જ સુવિધા હોવી જોઈએ. તે આપવામાં શાસકો નિષ્ફળ થતાં હોય તેવું સ્પષ્ટ જણાય છે. છેલ્લા ત્રણ-ચાર દિવસથી પાણીની લાઈનમાં જે ભંગાર થયો હતો. તેના કારણે ઉધના પાંડેસરા જેવા વિસ્તારના લાખો લોકો પાણી માટે વલખા મારતા રહ્યા હતા. શહેરમાં આ પ્રકારની સ્થિતિ સામાન્ય બનતી દેખાઈ રહી છે. હાઇડ્રોલિક વિભાગની કામગીરી ઉપર પણ અનેક પ્રશ્નો ઉભા થઇ રહ્યા છે.

મહિલાઓએ પાણી ન આવવા છતાં કોઈ વૈકલ્પિક વ્યવસ્થા ન થઈ હોવાનું કહ્યું હતું.
મહિલાઓએ પાણી ન આવવા છતાં કોઈ વૈકલ્પિક વ્યવસ્થા ન થઈ હોવાનું કહ્યું હતું.

પાણીની કોઈ વ્યવસ્થા નથી
નવા મગદલ્લા ભવાની મોહલ્લામાં રહેતા જાગૃતિ પટેલે જણાવ્યું કે, અમે છેલ્લા ચાર દિવસથી બીજાના ઘરે જઈને કપડાં ધોઈ રહ્યા છે. રસોઈ માટે પણ પાણી મળી રહે તેવી સ્થિતિ નથી. મંદિર પાસે તેમજ ઓએનજીસીની મદદથી યુવાનો માત્ર પાણી મળી રહ્યું છે. એ સિવાય કોર્પોરેશનને અમારા મોહલ્લામાં છેલ્લા ચાર દિવસથી પાણી આવતું ન હોવા છતાં કોઇ વ્યવસ્થા કરી નથી. થોડા વર્ષો પહેલા અધિકારી આવીને જોઈ ગયા હતા. તેમણે કહ્યું હતું કે, લાઈન બદલવી પડશે અને કામ ઝડપથી કરી નાખીશું. પરંતુ આજદિન સુધી આ કામ થયું નથી. છેલ્લા ચાર દિવસથી સ્થિતિ એવી થઈ છે કે, નાહવા ધોવા માટે નહીં પરંતુ પીવા માટે પણ પાણી નથી. અમારે શૌચાલય કરવા ક્યાં જવું તે પણ હવે એક મોટો પ્રશ્ન થઈ ગયો છે.

અધિકારી કે પદાધિકારીઓ કોઈ જવાબ ન આપતાં હોવાનું જણાવ્યું હતું.
અધિકારી કે પદાધિકારીઓ કોઈ જવાબ ન આપતાં હોવાનું જણાવ્યું હતું.

સ્થાનિકોમાં આક્રોશ
કુસુમ પટેલે જણાવ્યું કે, અમારા કોર્પોરેટરો અમને કોઈ મદદ કરી રહ્યા નથી. સવારે પાંચ વાગ્યે પાણી તમને મળવું જોઈએ તે મળતું નથી. અમે અધિકારીઓને વહેલી સવારમાં જ ફોન કરવાનું શરૂ કરી દઈએ છીએ. પરંતુ એક પણ અધિકારી અમારો ફોન નથી ઉપાડતા. સ્થાનિક કોર્પોરેટરો પણ છેલ્લા બે દિવસથી સંપર્ક કરવાનો પ્રયાસ કરી રહ્યા છે. પરંતુ તેમણે પણ આજદિન સુધી અમારો ફોન ઉપાડ્યો નથી. આખરે અમે નાછૂટકે વેસુ જળ વિતરણ મથકે પહોંચીને રજૂઆત કરી રહ્યા છીએ.